នៅវេលាយប់ថ្ងៃសៅរ៍មួយម៉ោងប្រមាណជា១០យប់ទៅហើយខ្ញុំបានរៀបចំសម្ភារៈសិក្សារបស់ខ្ញុំទុកដាក់បម្រុងនឹងចូលគេងព្រោះតែខ្ញុំបានធ្វើលំហាត់គណិតអស់ប្រមាណជាង២០លំហាត់ឯណោះ។ព្រោះតែថ្ងៃស្អែកជាថ្ងៃអាទិត្យខ្ញុំត្រូវជួយការងារឪពុកម្ដាយរបស់ខ្ញុំ។ក្រោយពេលរៀបចំប្រដាប់ប្រដារួចហើយខ្ញុំបានទាញសៀវភៅប្រលោមលោកយកមកអានដើម្បីបន្ធូរអារម្មណ៍ខ្លះព្រោះខ្ញុំក៏ជាមនុស្សដែលចូលចិត្តអានប្រលោមលោកដែរពិសេសគឺចង់ក្លាយជាតួអង្គរក្នុងរឿងប្រលោមលោកតែម្ដង។ខ្ញុំអានពីមួយវគ្គទៅមួយវគ្គធ្វើឲ្យខ្ញុំជក់ចិត្តពិតមែនលុះអានយូរទៅធ្វើឲ្យភ្នែករបស់ខ្ញុំស្រវាំង ខ្ញុំក៏ខ្ទាស់ចំណាំដើម្បីអានបន្តនៅថ្ងៃក្រោយ​បន្តទៀត។ជាទម្លាប់បន្ទាប់ពីអានសៀវភៅហើយខ្ញុំតែងតែយកទូរស័ព្ទរបស់ខ្ញុំមកលេងហ្វេសប៊ុកជាការកំសាន្ត

ប្រហែលជា១៥នាទី មុននឹងចូលគេង។លុះលេងបានយូរបន្តិចខ្ញុំមើលម៉ោងម៉ោងប្រមាណជាជិត១២ទៅហើយ។ខ្ញុំសម្រេចចិត្តថាបិទអ៊ិនធើណេតដើម្បីចូលគេង។ស្រាប់តែបន្តិចក្រោយមកសំឡេងសារបានរោទិ៍ ឡើង ។ខ្ញុំចម្លែកក្នុងចិត្តខ្លាំងណាស់ព្រោះតែchat របស់ខ្ញុំមិនដែលមាននរណាឆាតមកនោះទេបើមានមានតែក្រុមសិក្សាប៉ុណ្ណោះ។Chatរបស់ខ្ញុំទោះទុកចោលរាប់ឆ្នាំក៏គ្មាននរណាឆាតមកនោះដែរព្រោះតែខ្ញុំគ្មានសង្សារនឹងគេនោះទេនិយាយរួមអ្នកអត់លិឍអាជីពរហូតដល់សារមន្ទីរប្រុងcallហៅទៅទៀតផង តែដោយសារខ្ញុំកំពុងសិក្សា ទើបសារមន្ទីរគេពន្យាពេលសិន ហាស ហា។ខ្ញុំបានចូលទៅមើលឆាត គឺឃើញថា មាននារី ម្នាក់ឆាត មកខ្ញុំគិតក្នុងចិត្តថា យី​នរណាគេ ណ៎ មកឆាត អ្វីទាំងយប់ស្មើនឹងនោះ ? តិចគេចង់ញ៉ែខ្ញុំទេដឹង? ទេ មិនអាចទេ មិនដែលស្រីណាញ៉ែប្រុសនោះទេ ហេ៎ ចុះបើនាង ចង់ញ៉ែខ្ញុំមែន ?​ តិចនាងឃើញខ្ញុំសង្ហារ ហ្វេសប៊ុករបស់ខ្ញុំមិនចាញ់តារាប៉ុន្មាននោះទេវាធម្មតាទៅហើយដែលសម័យនេះ គេចេះ edit រូប ពីសទៅខ្មៅពីខ្មៅទៅស​ពិសេសអ្នកកំពុងអានតែម្ដងហាស ហា។ខ្ញុំវិញខាងក្រៅពិបាកមើលបន្តិចតែក្នុងហ្វេសបុក មិនឲ្យចាញ់គេនោះទេ។ខ្ញុំបានចូលទៅមើលឆាត រួចក៏តបឆាតទៅនាងវិញភ្លាមៗដែលក្នុងឆាតនោះមានសេចក្ដីថា៖

- សួស្ដីបង កំពុងធ្វើអ្វីស្មើនឹង

- បាទសួស្ដី ស្រីស្អាត មិនបានធ្វើអ្វីនោះទេ បាន កំពុងតែគេងលេង ហ្វេសបុកចុះអូនវិញនោះ( ហៅគេអូនឡើងរលួយ ទាំងមិនដែលស្គាល់គេផង)

- ចាស៎ អូនកំពុងតែ លេងឆាតជាមួយបង នឹងហើយ  កំដរ អូនបន្តិចបានទេ( ចុម មកពីណាពីណីមកឲ្យឯងកំដរ )

- បាទ បាន សម្រាប់ស្រីស្អាតរីករាយជានិច្ច

- អរគុណណាស់បងសម្លាញ់

ប្រភពរូបភាព pixabay

កិច្ចសន្ទនារបស់ខ្ញុំនិងនារីអនាមិកម្នាក់នោះលេងរហូតដល់ម៉ោង២ឯណោះខ្ញុំពិតជាងងុយដេកខ្លាំងណាស់តែធ្វើម៉េចស្រីស្អាតឲ្យកំដរនាងទៅហើយមានតែទ្រាំៗទៅ។មិនយូរប៉ុន្មាននាងក៏មិនតបឆាតខ្ញុំទៀតប្រហែលជានាងងងុយគេងហើយក៏គេងលក់ហើយមើលទៅ។នាងឲ្យខ្ញុំកំដរបែបនេះព្រោះតែសង្សាររបស់នាងបានសុំនាងបែកព្រោះតែគេមានថ្មី ហ៊ឹម…អាណិតនាងណាស់ មិនគួរស្រលាញ់ប៉ះចំប្រុសសាវ៉ាបែបនឹងនោះទេម៉េចក៏អូនមិនជួបមនុស្សស្មោះស្នេហ៍ដូចជាបង។តែក៏មិនជាអ្វីដែរបានត្រឹមកំដរអូនពេលអូន បែកពីគេក៏បងអស់ចិត្តនោះដែរ has ha។ជាច្រើនថ្ងៃបានកន្លងផុតទៅខ្ញុំនឹងនាង លេងឆាតជាមួយនាងរាល់ថ្ងៃ ពេលខ្លះ ពួកយើងទាំងពីរនាក់បានទៅដើរលេងជាមួយគ្នាទៀតផង។ភាពស្និតស្នាលយូរៗទៅខ្ញុំក៏បានធ្លាក់ក្នុងអន្លង់ស្នេហ៍របស់នាងនាងមានឈ្មោះថាទេពីបើនិយាយពីសម្រស់របស់នាងវិញពិតជាស្រស់ស្អាតខ្លាំងណាស់ ប្រៀបដូចជាទេពធីតា ដែលរស់នៅនៅលើផែនដីអ៊ីចឹង ។សក់វែងអន្លាយពណ៌ខ្មៅ ប្រវែងស្មើនឹងចង្កេះ មុខមូលក្រឡង ដូចព្រះច័ន្ទពេញបូរមី ដែលកំពុងតែបញ្ចេញរស្មី មកលើផែនពសុធាអញ្ចឹង កែវភ្នែកដ៏មុតថ្លាដូចកញ្ចក់ ទាំងគូរបានឆក់យកបេះដូងរបស់ខ្ញុំ ។ច្រមុះស្រួច បបូរមាត់ស្ដើង ពណ៌ផ្កាឈូក ពិតជាស្រស់ស្អាតគ្មានអ្វីផ្ទឹម។បើគិតតាមសម្រស់របស់នាង អ្នកទាំងអស់គ្នាប្រាកដជាលង់នឹងសម្រស់របស់នាង ហើយ តែកុំសង្ឃឹមអីណាព្រោះនាងជារបស់ខ្ញុំហើយ កុំមកចង់ដណ្ដើមចេញពីទ្រូងខ្ញុំអី ខ្ញុំពិតជាចង់ក្លាយជារាហ៊ូ លេបច័ន្ទមួយនេះមកទុកក្នុងទ្រូង តែម្នាក់បែបនេះណាស់​។នាងជាម្ចាស់ចិត្ត ម្ចាស់ជីវិត របស់ខ្ញុំ។រាងដ៏ស្រលូន តូចច្រឡឹង សម្ដីសម្ដៅសមជាអ្នកមានពូជមានពង្ស មានមេបាប្រដៅ  ដើមទ្រូងមូលក្លំ ត្រគាករីសាយ មើលពេលណា គឺលង់ស្នេហ៍ពេលនោះ ។នៅម៉ោងប្រមាណជា៥ល្ងាចនៅទក្សិណមុខអង្គរខ្ញុំនឹងទេពីបាននៅគ្នាលេងវាយសីយ៉ាងសប្បាយរីករាយ បន្តិចក្រោយមកដោយអស់កម្លាំងយើងក៏ឈប់សម្រាក

- ទេពី អូន អូន​ចង់ញ៉ាំអ្វីត្រជាក់ត្រជាក់ទេ

- បងវីរៈមានអ្វីត្រជាក់ៗឲ្យអូនមែនទេ

ខ្ញុំឈ្មោះថាវីរៈជាមានស្រុកកំណើតនៅកំពងធំតែខ្ញុំបានមកបន្តការសិក្សានៅសៀមរាប។និយាយពីការសន្ទនារបស់ខ្ញុំនិងសំណព្វចិត្តបន្តទៀតសិន

- បាទ បងមាន

- បងមានអ្វី

- បងមានទូរទឹកកក អូនចង់ត្រជាក់ចូលក្នុងនឹងទៅ ហាសហា

ទេពីស្រីស្រស់ យកដៃ វាយខ្នងខ្ញុំតិចៗរួចក៏និយាយថា​បងនេះខូចណាស់

- បងខូចព្រោះតែអូនដែរនឹង

- ព្រោះតែអូន ព្រោះតែអូនរឿងអ្វី

- ព្រោះតែបងស្រឡាញ់អូន

- បងថាម៉េច?

- អរ អត់ទេ បងភ្លេចបាត់ហើយ

- បង វីរៈ អូននឹកសង្សាររបស់អូនណាស់

ប្រភពរូបភាព pixabay 

ទេពីនិយាយបណ្ដើរទឹកភ្នែករបស់នាងហូរបណ្ដើរមិនបង្អង់យូរខ្ញុំទាញស្រីស្រស់មកក្នុងរង្វង់ដៃរបស់ខ្ញុំដោយឲ្យស្មារបស់ខ្ញុំជាខ្នើយសម្រាប់នាង៖ទេពីអូនបើអូនត្រូវយំអូនយំឲ្យអស់ចិត្តមកចុះបងចាំកំដរអូនគ្រប់ពេលស្មារបស់បងនឹងចាំត្រងទឹកភ្នែករាប់លានដំណក់របស់អូនទ្រូងរបស់បងជាបង្អែកក៏កក់ក្ដៅសម្រាប់អូនដៃទាំងគូររបស់បងសម្រាប់កាន់ដៃរបស់អូនពេលដែលអូនត្រូវការបងអាណិតអូនណាស់ទេពីបើបងអាចឈឺជំនួសអូនបានបងនឹងឈឺមិនឲ្យអូនលំបាកបែបនេះនោះទេជាច្រើខែមកហើយដែលបងនឹងអូនស្គាល់គ្នាអូននៅតែមិនអាចបំភ្លេចគេបានការឈឺចាប់របស់អូនដូចជាការឈឺចាប់របស់បងដូចគ្នាបងពិតជាចង់ចែករំលែកក្ដីទុកនេះជាមួយអូនណាស់ ។

- បងវីរៈ តើបងអាចមើលថែអូនជំនួស បង កិត្យាបានទេ ?

- អូននិយាយជាការពិតមែនឬ?( ខ្ញុំនិយាយតបទាំងរន្ធន់នឹងត្រេកអរជាទីបំផុត

- ចាស៎អូននិយាយជាការពិតកន្លងមកនេះបងមើលថែអូនបានល្អណាស់អូនចង់បានបុរសដែលល្អដូចជាបង តែបងមិនប្រកាន់រឿងអតីតកាលរបស់អូនទេមែនទេ

- រឿងអតីតកាល នរណាក៏មានដែរសំខាន់ឲ្យតែបច្ចុប្បន្នអូនស្រឡាញ់បង នៅក្បែបងទៅបានហើយ។

និយាយបណ្ដើរនាងអោបខ្ញុំកាន់តែតឹងទៅៗខ្ញុំបានក្រសោបអោបកាយនាងយ៉ាងស្អិតរមួតតាមតែអំពើចិត្តរបស់ខ្ញុំ ច្រមុះក៏មុតស្រួចបានឈ្មុលទៅរកថ្ពាល់ដ៏ម៉ត់ខៃរលោងដែលលាយឡំជាមួយនឹងទឹកភ្នែកសើមៗដែរនោះ បានធ្វើឲ្យខ្លួនខ្ញុំឡើងកម្ដៅខុសពីធម្មតា តែថ្ពាល់នាងទោះបីជាលាយំជាមួយទឹកភ្នែកយ៉ាងណាក៏ដោយតែក្លិមក្រអូបនៃកាយស្រីក្រមុំពិតជាឈ្លុយឈ្ងុបមិនអាចពណ៌នាបាននោះទេ។ម៉ោង ៦កន្លះ​យើងទាំងពីរក៏ជិះម៉ូតូចាកចេញពីរទក្សិណខ្ញុំបើកម៉ូតូ ម៉ាក click ពណ៌ខ្មៅ ទេពី ឡើង ជិះពីក្រោយខ្ញុំដៃដ្រីល្អ អោចចង្កេះខ្ញុំយ៉ាងណែន ចង្ការនាងដាក់លើស្មារបស់ខ្ញុំយើងទាំងពីរជិះកាត់ផ្លូវអង្គរក្រោមអាកាសធាតុត្រជាក់ត្រជាក់តែខ្ញុំគ្មានអារម្មណ៍ថាត្រជាក់នោះទេ ព្រោះតែកាយស្រីល្អនៅជាប់ជាមួយនឹងកម្ដៅអ៊ុនៗបានភាយចេញមកបង្កើនជាកម្ដៅប្រឆាំងជាមួយនឹង អាកាសធាតុត្រជាក់។ខ្ញុំបានយកដៃ ឆ្វេងរបស់ខ្ញុំទោទាញយកដៃស្រីស្រស់មកថើបតិចៗ រួចក៏និយាយថា​បងចង់បានពេលវេលាបែបនេះរហូត………

សូមរង់ចាំអានភាគបញ្ចប់

រាល់អត្ថបទរឿងរបស់អ្នកនិពន្ធមាណពខ្មៅ គឺជាកម្មសិទ្ធរបស់អ្នកនិពន្ធតែមួយគត់ មិនអនុញ្ញាតិឱ្យធ្វើការ ថតចម្លង ចម្លង យកទៅផលិតថ្មី ឬបោះពុម្ព ដោយគ្មានការអនុញ្ញាតិ ពីអ្នកនិពន្ធឡើយ។ រាល់ការចម្លងដោយគ្មានការអនុញ្ញាតិ គឺជាការរំលោភច្បាប់ ស្តីពីសិទ្ធិអ្នកនិពន្ធ និងសិទ្ធិប្រហាក់ប្រហែល និងត្រូវទទួលខុសត្រូវចំពោះមុខច្បាប់។

អ្នកសរសេរ៖យ៉ន យ៉ាន