អង្គមហាសន្និបាតបានបញ្ចប់ត្រឹមម៉ោង៣.៣០នាទីរសៀលម្សិលមិញ ព្រមទាំងបានដាក់ចេញនូវសង្ឃប្រកាស​ របស់គណ:មហានិកាយចំពោះ​ ភិក្ខុ​ សាមណេរក្នុងព្រះរាជាណាចក្រកម្ពុជា និងឱ្យប្រេីប្រាស់នូវពណ៌ចីវរ​ សំពត់សម្រាប់ស្លៀកដណ្តប់តែពីរពណ៌ប៉ុណ្ណោះ។

ចីវរ​ សំពត់ដែលអនុញ្ញាតទី១គឺ​ ពណ៌ខ្លឹមខ្នុរ​ ឬហៅថាពណ៌ខ្មៅ​ មានសញ្ញាធិច​ ខៀវ ទី២​ ពណ៌ទឹកក្រូច​ ឬហៅថាពណ៌ក្រហម​ មានសញ្ញាធិច​ ខៀវ ក្រៅពីហ្នឹង​ មានសញ្ញាធិច​ ក្រហម​ គឺមិនអនុញ្ញាតិឱ្យប្រេីប្រាស់ទេ​ ដូច្នេះសូមព្រះសង្ឃទាំងអស់និមន្តជ្រាបតាមការគួរ​ និងអនុវត្តតាមអង្គអនុសំវច្ឆរដោយតណ្ហីភាព​។

ការធ្វើសង្ឃប្រកាសនៅមហាសន្និបាតខាងលើ គឺកើតឡើងបន្ទាប់ពីបច្ចុប្បន្នមានការលក់ស្បង់ ចីវរ យ៉ាងអនាធិបតេយ្យនៅលើបណ្ដាញសង្គម មានចម្រុះពណ៌ដែលអាចនាំឲ្យមានការប្រើប្រាស់ខុសលំនាំដើម នៃព្រះពុទ្ធសាសនា ប៉ះពាល់ដល់ទំនៀមទំនាប់តាំងពីបុរាណកាលមក៕ 

ប្រភព៖ គុណម្ចាស់ Venerable Chetra