នៅក្នុងការរស់នៅបានប្រចាំថ្ងៃរបស់មនុស្សម្នាក់ៗតែងតែជួបប្រទះនូវបញ្ហានៅក្នុងជីវិតខុសៗគ្នា បញ្ហាខ្លះក៏អាចដោះស្រាយបាន​ ចំំណែកបញ្ហាខ្លះទៀតក៏ដោះស្រាយមិនបានដល់ថ្នាក់គិតរកបញ្ចប់ជិវិត ព្រោះគិតថាបើសិនជាស្លាប់និងអាចបញ្ចប់បញ្ហាបាន។

(រូបភាពតំណាង)

ប៉ុន្តែ​ការជ្រើសរើសផ្លូវបែបនេះ​វាពិតជាខុសខ្លាំងណាស់ ចូលក្រឡែកទៅមើលមនុស្សដែលមាន​ជំងឺមហារីក​ ពួកគាត់តែងតែគិតថាចង់មានជីវិត តែចំពោះយើងវិញជួបរឿងបន្តិចបន្តួចគិតថាមិនអាចដោះស្រាយបាន។ គ្រប់បញ្ហាទាំងអស់សុទ្ធសឹងតែមានដំណោះស្រាយ បញ្ហាប្រៀបបានទៅនិងអាវុធមុខពីរ នៅពេលដែលមានបញ្ហាណាមួយបានកើតឡើងវាក៏មានចំណុចល្អមួយនឹងចំណុចអាក្រក់ដែរ។

(រូបភាពតំណាង)

ចំនុចល្អនោះគឺជួយបង្រៀនឲ្យយើងរឹងមាំជាងមុន ទទួលបាននូវបទពិសោធន៍ ទោះបីជាយើងមិនអាចដោះស្រាយបានល្អក៏ប៉ុន្តែបើយើងជួបនូវបញ្ហានេះម្តងទៀត យើងនឹងដោះស្រាយបានយ៉ាងល្អ។ ចូរយកបញ្ហាទាំងនោះមកធ្វើជាឱកាសក្នុងការអភិវឌ្ឍន៍ខ្លួន ឲ្យប្រសើរជាងមុន និងពង្រឹងសមត្ថភាពដើម្បីឆ្ពោះទៅគោលដៅដែលបានគ្រោងទុក៕

អត្ថបទ​ដើមដោយ៖ សុត​ ឡៃ​ហៀក​