តាមពិតទៅ រូបព្រហ្មនៅបាយ័ន មិនមែនជាព្រះព្រហ្មញ្ញសាសនាទេ និងបង្កប់នៅអាថ៌កំបាំងជាច្រើន
តាមទស្សនៈរបស់ជនជាតិ និងអន្តរជាតិ មានមតិផ្សេងៗគ្នា ដូចជារូបព្រហ្មនេះមិនមែនជាព្រះព្រហ្មញ្ញសាសនាទេ រូបព្រហ្មនេះតំណាងឲ្យអ្នកថែរក្សាទិសទាំង៤ ដែលគេហៅថា ចតុលោកបាល គឺអ្នកដែលការពារទិសពិភពលោក មុខ៤យាមទិសទាំង៤ នៃចក្រវាឡ។ មានការបកស្រាយជាច្រើនផ្សេងៗគ្នា ដែលលើកយកមកពន្យល់បន្ថែមពីលោកបណ្ឌិត មីសែល ត្រាណេ។
អ្នកខ្លះគេយល់ថា រូបទាំងអស់នេះ ដែលយើងមើលឃើញញញឹមស្រស់រាក់ទាក់រកពុទ្ធសាសនិកទាំងឡាយ ជារូបដំណាងឲ្យស្តេចព្រះបាទជ័យវរ្ម័នទី៧ ខ្លួនអង្គឯង ព្រោះលក្ខណៈរបស់ស្តេចជ័យវរ្ម័នទី៧ យើងបានឃើញរូចសំណាក់គង់ពេនភ្នែនក្នុងកាយវិការធ្យានមុទ្រៈ ឬធ្វើសមាធិ ដែលគេហៅថា ពុទ្ធរាជដែលជាព្រះពុទ្ធ និងជាស្តេចផែនដីផង ។
គំនិតមួយទៀត ក្នុងចំណោមរូបទាំងអស់នេះ ស្តេចជ័យវរ្ម័នទី៧ ដែលកាន់ព្រះពុទ្ធសាសនា ព្រះអង្គមានចិត្តអាណិតអាសូរករុណាធម៌មេត្តាច្រើន ដូច្នេះព្រះអង្គចង់ផ្សព្វផ្សាយទៅទិសទាំង៤ នូវព្រហ្មវិហារធម៌ គឺមេត្តា (សេចក្តីរាប់អាន), ករុណា (សេចក្តីអាណិត) ឧបេក្ខា (សេចក្តីស្មោះស្មើ) និងមុទិតា (សេចក្តីត្រេកអរចំពោះមុខ) ។
ទិដ្ឋភាពរួមនៃប្រាសាទបាយ័ន និង ក្លោងទ្វារនៃទីក្រុងអង្គរធំ ដែលមានរូបព្រហ្មមុខបួន និង ចម្លាក់តំណាងព្រះភ័ក្ត្រនៃព្រះពោធិសត្វអវលោកេស្វរៈនៅប្រាសាទតាសោម ដែលគេហៅថា មុខព្រហ្ម ទិសទាំង៤ ដំណាងឲ្យធាតុទាំង៤ ដែលមានខ្យល់ ទឹក ភ្លើង និងធរណី ។ ព្រោះថា បើគ្មានធាតុទាំង៤ នេះទេ មនុស្សមិនអាចរស់នៅបានឡើយ ។
ចំនួននៃព្រះកេសទាំងអស់នោះ មានចំនួន១០៨ ពិតជាទាក់ទងទៅនឹងលោកពិសិដ្ឋ ដែលមានក្នុងគម្ពីរវេទ និងមហាយានផងដែរ ។ លេខ៥៤១០៨ ឬក៏ ១០០០ ពិតជាបង្កប់នូវនិមិត្តរូបស៊ីជម្រៅឥតគណនា គឺអំណាចមហិទ្ធិឫទ្ធិ បុណ្យបារមីដ៏លើសលប់គ្មានត្រើយត្រាន្តរបស់ព្រះលោកេស្វរៈ ដែលប្រកបដោយព្រហ្មវិហារធម៌ទាំង៤ ដ៏មហាប្រសើរសម្រាប់សត្វលោក ។
នៅឆ្នាំ១៩៣៣ លោក ហ្សកទ្រូវេ ជាអ្នកអភិរក្សទី៣ នៅតំបន់សៀមរាបអង្គរ បានធ្វើកំណាយក្នុងកំឡុងឆ្នាំ១៩៣១ ចំកណ្តាលប្រាសាទកណ្តាល (ធំ) ជម្រៅ ១៤ម៉ែត្រ ស្មើនឹងកម្រិតដីរាបរបស់ប្រាសាទ លោកបានយកដីចេញពីក្រៅ ដើម្បីសិក្សាស្រាវជ្រាវរកកេតនភ័ណ្ឌផ្សេងៗ តែនៅក្នុងនោះលោកបានរកឃើញព្រះពុទ្ធរូបមួយអង្គបាក់បែក កំពស់ ៣ម៉ែត្រ ៦០ ហើយបានជួសជុលឡើងវិញជាស្ថាពរ ហើយប្រគល់ជូនស្តេចស៊ីសុវត្ថិមុនីវង្ស នៅថ្ងៃទី១៧ ឧសភា ឆ្នាំ១៩៣៥ ហើយបានយកទៅតម្កល់នៅព្រះវិហារប្រាំពីរល្វែង។
ប្រាសាទដែលឧទ្ទិសដល់ព្រះពុទ្ធសាសនា គេហៅថា ព្រះពុទ្ធជ័យពុទ្ធមហានាថ បានន័យថា ជ័យដំណាលឲ្យព្រះបាទជ័យវរ្ម័នទី៧ ព្រះពុទ្ធដំណាងឲ្យអ្នករក្សាលោក ។ សរុបមក ព្រះភក្ត្រទាំង៤ ដ៏ធំ ដែលស្ថិតនៅលើកំពូលទាំងឡាយនៃប្រាសាទបាយ័ន ដែលនៅប្រាង្គកណ្តាល ឬប្រាង្គប្រធាន ដែលពីដើមមានការគោរពបូជាព្រះជ័យពុទ្ធមហានាថនោះ គឺពិតជាតំណាង ឲ្យព្រះលោកេស្វរៈ ។ ព្រះអង្គមានទឹកមុខញញឹមប្រឹមប្រិយ៍ បែរមុខមករកឃើញ ហាក់បីដូចជាចង់រង់ចាំភ្ញៀវយ៉ាងរាក់ទាក់ មើលពីខាងណាក៏ដូចខាងណា ឃើញស្នាមញញឹម ពព្រាយ នាំឲ្យយើងសប្បាយរីករាយនឹងកោតស្ងប់ស្ងែង ពីវិរទេពកោសល្យនៃស្ថាបត្យករ ជាដូនតារបស់យើង ៕
រូបថត៖ Google
热门推荐
热门评论
评论