សត្វឆ្អឹងកងមានដូចជា ឆ្កែ ឆ្មា អណ្តើក ត្រី បក្សី ឬអ្នកទាំងអស់អាចមើលតាមរូបតំណាងទីមួយក៏បាន (Vertebrates មានន័យថា សត្វឆ្អឹងកង ជាសត្វដែលមានឆ្អឹងកងខ្នង)។

សត្វឥតឆ្អឹងកងមានដូចជា ខ្យង គ្រំ ពីងពាង បង្កង បង្គា ឬដូចជារូបតំណាងទីពីរ (Invertebrates មានន័យថា សត្វឥតឆ្អឹងកង ជាសត្វឥតឆ្អឹងកងខ្នង)។

លក្ខណៈរបស់សត្វឆ្អឹងកង និងសត្វឥតឆ្អឹងកងមានលក្ខណៈដូចគ្នា និងខុសគ្នា ដូចជា :

+លក្ខណៈដូចគ្នា

• ទទួល និងបញ្ចូនព័ត៌មាន
• ឆ្លើយតបទៅនឹងព័ត៌មាន

+លក្ខណៈខុសគ្នា

- សត្វឆ្អឹងកង

• មានសរីរាង្គវិញ្ញាណច្រើន
• ខួរក្បាលមានទំហំធំ ហើយមានលក្ខណៈស្មុគស្មាញ ជាពិសេសថ្នាក់ថនិកសត្វ
• មានអឌ្ឍគោលខួរ និងខួរតូច។

- សត្វឥតឆ្អឹងកង

• មានសរីរាង្គវិញ្ញាណតិច
• ខ្លះមានខួរ តែមានទំហំតូច (កង់គ្លីយ៉ុង) មានលក្ខណៈងាយ
• គ្មានអឌ្ឍគោលខួរ និងខួរតូចទេ។

កែសម្រួលដោយ : coffee__tea

ដកស្រង់ពី : សៀវភៅពុម្ពជីវវិទ្យាថ្នាក់ទី១២