ជាទូទៅប្រជាពលរដ្ឋខ្មែរភាគច្រើនតែងតែនិយាយថា ផ្លាកលេខឡាន ឬ ផ្លាកលេខម៉ូតូ មានតិចណាស់និយាយថា ស្លាកលេខឡាន ឬ ស្លាកលេខម៉ូតូជាដើម។ ដូចនេះតើពាក្យពីរខាងលើនេះ តើមួយដែលជាពាក្យត្រឹមត្រូវ? បើយោងតាមវចនានុក្រមសម្តេចព្រះសង្ឃរាជ ជួន ណាត លោកបានឱ្យនិយមន័យនៃពាក្យ ស្លាក ដូចខាងក្រោម៖

(រូបភាពតំណាង)

• ស្លាក៖ ពាក្យ ស្លាក នេះជាពាក្យក្លាយមកពីភាសាបាលី, សំដៅលើ សំបុត្រជាកំណត់តូចៗ ជាគ្រឿងសម្គាល់ឈ្មោះជាដើម, ឆ្នោត, ទីវ, ខ្នាច់។ សរសេរស្លាក, បិទស្លាកជាសម្គាល់, ចាប់ស្លាក, ដាក់ស្លាកជាសម្គាល់កុំឱ្យច្រឡំ។ 

(រូបភាពតំណាង)

ចំណែកឯពាក្យ ផ្លាក ពុំមានឃើញប្រើក្នុងវចនានុក្រមនោះទេ, ដូចនេះសូមបងប្អូនគប្បីនិយាយ និងសរសេរថា ស្លាកលេខម៉ូតូ ឬ ស្លាកលេខឡានវិញ។