KL Bird Park គឺជាសួនឧទ្យានសត្វស្លាបដ៏ល្បីល្បាញមួយស្ថិតនៅចំកណ្តាលទីក្រុងកូឡាឡាំពួរនៃប្រទេសទេសម៉ាឡេស៊ីតែម្តង ពោលគឺធ្វើដំណើរដោយរថយន្តត្រឹមតែ10នាទីពីប៉ុណ្ណោះពីតំបន់ប្រជុំជននៃទីក្រុងកូឡាឡាំពួរ (KL Downtown)។

KL Bird Park លាតសន្ធឹងនៅលើផ្ទៃដីជាង 8 ហិចតានៃតំបន់ភូមិសាស្ត្រជ្រលងភ្នំមួយ។ សួនឧទ្យានសត្វស្លាបមួយនេះគឺប្រៀបបានទៅនឹងផ្ទះនៃបក្សីជាច្រើនប្រភេទនៅក្នុងតំបន់នោះ ដែលរួមមានបក្សីក្នុងស្រុកច្រើនជាង 3000 ប្រភេទ និងប្រហែលជា 200 ប្រភេទផ្សេងទៀតជាបក្សីដែលមានប្រភពមកពីបរទេស។ 

យ៉ាងណាមិញ យើងមើលឃើញថាភ្ញៀវទេសចរណ៍ទាំងអស់ដែលបានទៅលេងនៅទីនោះគឺទទួលបាននូវបទពិសាធន៍នៃដំណើរកំសាន្តដ៏គួរឲ្យរំភើបមួយតាមរយៈការសម្រាកគយគន់បក្សាបក្សីជាច្រើនដែលមានពណ៌ចម្រុះគ្នាយ៉ាងស្រស់ស្អាត កំពុងទុំនៅលើមែកឈើ និងខ្លះទៀតកំពុងតែហោះហើរលេងយ៉ាងមានសេរីភាពបំផុត ព្រមទាំងអមដោយសម្លេងបក្សាបក្សីដ៏ទ្រហឹងអឺងកងប្រៀបបានទៅនឹងតន្រ្តីធម្មជាតិមួយដែលមិនអាចកាត់ថ្លៃបាន។។ 

KLBirdPark