សម្រាប់មិត្តនារីដែលចង់សម្រកក្បាលពោះឱ្យឃើញលទ្ធផលឆាប់រហ័ស និងសុវត្ថិភាពចំពោះសុខភាព សូមសាកល្បងវិធីទាំង ៥ នេះ ហើយព្យាយាមសម្របវាទៅតាមបរិបទនៃជីវិតរបស់ពួកគេ កុំភ្លេចថាអ្នកចង់មានក្បាលពោះរាបស្មើ ត្រូវតែមានវិន័យក្នុងការគ្រប់គ្រងការទទួលទានអាហារ លំហាត់ប្រាណ លំហាត់ដកដង្ហើម ការបន្សាបជាតិពុលពោះវៀន និងការសម្រាកឱ្យបានគ្រប់គ្រាន់ផងដែរ។

(រូបតំណាង)

​មកថ្ងៃនេះ Pisey trip នឹងបង្ហាញជូនមិត្តអ្នកអាននូវគន្លឹះ ៥យ៉ាងដែលជួយកាត់បន្ថយក្បាលពោះឱ្យរាបស្មើដោយសុវត្ថិភាព វាជាអាថ៌កំបាំងបន្ទាន់របស់កស្រីៗគ្នាយើង គឺបានឃើញ​លទ្ធផល​ឆាប់​ៗ​សូមជួយ​ចែក​រំលែក​ផងដល់ស្រ្តីគ្រប់គ្នាណា។

១-គ្រប់គ្រងរបបអាហារ

ចូរចាប់ផ្តើមជាមួយនឹងការមិនបរិភោគអាហារសម្រន់ អាហារចៀន អាហារ​ដែល​មាន​ជាតិ​ខ្លាញ់ និងអាហារដែល​មានជាតិស្ករខ្ពស់ ដែលការតមអាហារទាំងនេះត្រូវតែមានអមដោយការគ្រប់គ្រងបរិមាណអាហារដែលញ៉ាំក្នុងអាហារនីមួយៗផងដែរ ប្រសិនបើក្មេងស្រីធម្មតាញ៉ាំអាហារ ៣-៤ ក្នុងមួយថ្ងៃ គួរតែកាត់បន្ថយបរិមាណមកត្រឹមតែ ២ពេល ឬបើចង់ញ៉ាំអាហារ ៣ពេលដូច​ពីមុន អ្នកគួរតែកាត់បន្ថយអាហារដែលញ៉ាំនៅពេលអាហារនីមួយៗមកពាក់កណ្តាល សំខាន់បំផុតអ្នកគួរតែជ្រើសរើសញ៉ាំបន្លែ ផ្លែឈើ និងទឹកដោះគោជូរ ដើម្បីរំលាយ និងដុតបំផ្លាញជាតិខ្លាញ់ដែលកកកុញក្នុងខ្លួន។

២-គេងឱ្យបានគ្រប់គ្រាន់

ចង់​បាន​ក្បាលពោះ​រាបស្មើ នារីៗ​ត្រូវ​យកចិត្តទុកដាក់​គេង​ឱ្យបាន​គ្រប់គ្រាន់​ អ្នកគួរចូលគេងមុនម៉ោង ១០យប់ ហើយគេងឱ្យបាន៨ម៉ោងក្នុងមួយថ្ងៃ វានឹងធ្វើឱ្យរាងកាយសម្រាកបានពេញលេញ។ វាក៏ធ្វើឱ្យរាងកាយអាចបញ្ចេញអរម៉ូនដែលជួយក្នុងការដុតបំផ្លាញថាមពល ដូច្នេះហើយ ការគេងគ្រប់គ្រាន់អាចជួយកម្ចាត់ជាតិខ្លាញ់លើសបានគ្រប់គ្រាន់។

(រូបតំណាង)

៣-ធ្វើលំហាត់ប្រាណឱ្យបានទៀងទាត់

បន្ថែមពីលើការគ្រប់គ្រងរបបអាហារ ត្រូវតែផ្តោតលើការធ្វើលំហាត់ប្រាណឱ្យទៀងទាត់ផងដែរ លំហាត់ប្រាណគឺរួមចំណែកធ្វើឱ្យក្បាលពោះរាបស្មើល្អ​ ​។

៤-បន្សាបជាតិពុលពោះវៀន

សុភាពនារីយើងអាច​​ញ៉ាំ​ទឹកដោះគោ​ជូរ​ជា​ញឹកញាប់​ ឬផឹកទឹកក្រូចឆ្មាលាយជាមួយទឹកក្តៅ ផឹកភ្លាមៗបន្ទាប់ពីភ្ញាក់ពីគេង ក្នុង​នោះ​ពោះវៀនធំ​នឹង​សម្អាត​ជាតិ​ខ្លាញ់​ដែល​ជាប់​ក្នុង​ពោះវៀន​ ខ្លាញ់ទាំងនេះនឹងធ្វើឱ្យថ្លើម លំពែង និងក្រពះស្រូបយកតិចជាងធម្មតា។

៥-ហាត់ដកដង្ហើមចូល និងចេញ

ការអនុវត្តលំហាត់ដកដង្ហើមក៏អាចជួយកាត់បន្ថយការឈឺពោះផងដែរ ដែលក្នុងនោះការដកដង្ហើមយឺតៗ និងវែងៗជួយឱ្យប្រព័ន្ធឈាមរបត់ឈាម និងការរំលាយអាហារដំណើរការកាន់តែមានប្រសិទ្ធភាព។

ប្រែសម្រួលដោយៈ Pisey trip

ឆែកមើលប្រភពដើម