មានអូដ្ឋមួយក្បាលឈ្មោះ មៀរ ចូលចិត្តស្ករគ្រាប់។ វាបានប្រាប់ម្ដាយរបស់វាថា "ខ្ញុំមិនចង់ញុាំអាហារ​គួរឲ្យធុញទាំងនោះទេ។ ផ្លែឈើ និងបន្លែមានរសជាតិមិនឆ្ងាញ់ឡើយ។" វានិយាយជាមួយទឹកមុខខ្ពើមរអើម។ ម្ដាយរបស់វាបាននិយាយ​ "កូនត្រូវតែព្យាយាមញុាំអាហារទាំងនោះ។ វាមានរសជាតិឆ្ងាញ់ និងល្អសម្រាប់សុខភាពផងដែរ។" ទោះជាយ៉ាងណាបន្ទាប់ពីញុាំស្ករគ្រាប់ហើយ មៀរ មិនចង់ញុាំអាហារផ្សេងឡើយ។ នៅព្រឹកមួយ មៀរក្រោកពីគេងជាមួយការឈឺក្រពះយ៉ាងខ្លាំង។ វាបានទៅរកវេជ្ជបណ្ឌិត Parrot។ វេជ្ជបណ្ឌិតបានចោទសួរ "តើអ្នកបានញុាំអ្វីបានជាឈឺក្រពះយ៉ាងនេះ?" មៀរបានក្រាបចុះ ដោយវាបានដឹងពីកំហុស និងមានអារម្មណ៍ខ្មាស់អៀនយ៉ាងខ្លាំង។ វេជ្ជបណ្ឌិតបានដកធ្មេញរបស់ មៀរ ចំនួនពីរគ្រាប់ និងសម្អាតធ្មេញដែលនៅសល់។ មៀរ បានយំជាមួយនឹងការឈឺចាប់។ វេជ្ជបណ្ឌិតបានចាក់ថ្នាំបំបាត់ការឈឺចាប់ឲ្យ មៀរ។ វេជ្ជបណ្ឌិតបាននិយាយ " មានដង្កូវនៅក្នុងក្រពះរបស់អ្នក ហើយធ្មេញរបស់អ្នកបានពុកផុយទៀតផង។ អ្នកឈប់ញុាំស្ករគ្រាប់ ហើយញុាំផ្លែឈើ និងបន្លែឲ្យបានច្រើន។"

អត្ថបទដើមដោយ៖ តយៗ