ខ្ញុំកញ្ញាមុខស្រស់ បាននាំយកមុខម្ហូបមួយ មកចែករំលែកជូនពុកម៉ែបងប្អូនគឺ ឆាត្រីខ ជាមួយសាច់ជ្រូក

គ្រឿងផ្សំមានដូចជា

សាច់ជ្រូក

ត្រីខ

ម្ទេស

ខ្ទឹម

ស្លឹកខ្ទឹម

ស្ករ ប៊ីចេង អំបិល ទឹកត្រី ប្រេងខ្យង

និងស្ពៃតឿ

វិធីធ្វើ

ជាដំបូង ពុកម៉ែបងប្អូន ដាំទឹកឲ្យពុះ ហើយដាក់ខ្លាញ់បន្តិចចូលទៅក្នុងទឹកដែលដាំនោះ រួចមកទៀតពុកម៉ែបងប្អូនយក ស្ពៃតឿដែលលាងរួច យកមកដាក់ស្រុះ ពេលស្រុះថាល្មមហើយ ស្រងស្ពៃតឿនេះចេញ ហើយដាក់ត្រាំជាមួយទឹកត្រជាក់ដើម្បីរក្សាពណ៌របស់ស្ពៃអោយនៅស្រស់ដដែល។

បន្ទាប់មកទៀត ចាប់ផ្តើមបំពងខ្ទឹម ពេលបំពងខ្ទឹមរួចយើងចាប់ផ្តើមដាក់សាច់ជ្រូករបស់យើងចូល ដាក់គ្រឿង ហើយកូរ មើលថាឆ្អឹនល្មមយើងចាប់ផ្តើមដាក់ត្រីខរបស់យើងចូល មើលថាឆ្អឹនហើយ យើងដួសដាក់ចាន ដែលរៀបបន្លែរួចជាការស្រេច ។ ( រស់ជាតិតាមចំណង់ចំណូលចិត្ត)