ប៊ីចេងឬ MSG មកពីពាក្យពេញថា monosodium glutamate វាត្រូវបានគេប្រើប្រាស់នៅក្នុងម្ហូបអាហារដើម្បីបន្ថែមរសជាតិអាហារឲ្យកាន់តែឆ្ងាញ់។ អាស៊ីត glutamic ដែលមាននៅក្នុងប៊ីចេងជាអាស៊ីត amino មួយក្នុងចំណោមអាស៊ីតដែលមានច្រើនបំផុតនៅក្នុងធម្មជាតិ។ 

អាស៊ីត Glutamic គឺជាអាស៊ីតដែលមិនចាំបាច់មានន័យថារាងកាយរបស់មនុស្សអាចផលិតវាបាន។ វាមានមុខងារផ្សេងៗនៅក្នុងខ្លួនមនុស្សហើយមាននៅក្នុងអាហារស្ទើរតែគ្រប់ប្រភេទ។

( រូបតំណាង )

ប៊ីចេងជាគ្រឿងផ្សំដែលគេពេញនិយមប្រើប្រាស់នៅក្នុងការចំអិនម្ហូបអាហារនៅទ្វីបអាស៊ីនិងត្រូវបានគេប្រើវានៅក្នុងអាហារកែច្នៃផ្សេងៗនៅលោកខាងលិច។

បច្ចុប្បន្នមានភាពចម្រូងចម្រាសជាច្រើនពាក់ព័ន្ធនឹងបញ្ហាដែលថាប៊ីចេងមានផលប៉ះពាល់ចំពោះសុខភាពដែរឬទេ? ហើយក្នុងនោះមានគេអះអាងថាការបរិភោគប៊ីចេងបណ្តាលឲ្យកើតជំងឺហឺត ឈឺក្បាលហើយអាចបំផ្លាញខួរក្បាលបានផងដែរ។ ម៉្យាងវិញទៀតប្រភពមកពី FDA បានអះអាងថាប៊ីចេងមិនប៉ះពាល់ដល់សុខភាពនោះទេ។

ហេតុអ្វីបានជាមនុស្សគិតថាប៊ីចេងមានគ្រោះថ្នាក់ចំពោះសុខភាព? 

( រូបតំណាង )

អាស៊ីត Glutamic ដែលមានស្រាប់នៅក្នុងរាងកាយមានមុខងារជាអ្នកបញ្ជូនព័ត៌មាននៅក្នុងប្រព័ន្ធសរសៃប្រសាទក្នុងខួរក្បាលរបស់មនុស្ស។ ការបរិភោគប៊ីចេងនាំឱ្យមានជាតិស្ករក្នុងខួរក្បាលច្រើននិងប៉ះពាល់ដល់កោសិកាសរសៃប្រសាទដែលអាការៈនេះត្រូវបានគេហៅថា excitotoxin ។ យោងតាមការសិក្សាមួយក៏បានឲ្យដឹងដែរថាប៊ីចេងអាចបង្កើនកម្រិតឈាមដល់ទៅ ៥៥៦% ។

ទោះជាយ៉ាងណាក៏ដោយជាតិស្ករ glutamate មានឥទ្ធិពលតិចតួចប៉ុណ្ណោះទៅលើខួរក្បាលរបស់មនុស្ស ព្រោះវាមិនអាចឆ្លងកាត់ឈាមដែលជារបាំងការពារនៅក្នុងខួរក្បាលក្នុងបរិមាណច្រើនបានទេ។

សរុបមកមិនមានភ័ស្តុតាងណាមួយដែលអាចបញ្ជាក់ថាប៊ីចេងអាចធ្វើឲ្យមានផលប៉ះពាល់ដល់ខួរក្បាលនៅពេលដែលយើងបរិភោគវាក្នុងបរិមាណមធ្យមនោះទេ។

( រូបតំណាង )

យោងតាមការស្រាវជ្រាវខ្លះទៀតបានបង្ហាញថាប៊ីចេងអាចធ្វើឲ្យយើងបរិភោគអាហារឆាប់ឆ្អែតនិងឡើងទម្ងន់បានផងដែរ។ រសជាតិរបស់ប៊ីចេងអាចធ្វើឲ្យអណ្តាតនិងប្រព័ន្ធរំលាយអាហារបញ្ចេញអ័រម៉ូនម៉្យាងដែលមិនឲ្យមនុស្សមានចំណង់ទៅអាហារតទៅទៀត។ 

តាមរយៈការសិក្សាផ្សេងទៀតបានបង្ហាញថាការបរិភោគប៊ីចេងអាចបណ្តាលឲ្យឡើងទម្ងន់ សម្ពាធឈាមឡើងខ្ពស់ ឈឺក្បាល ក្អួតចង្អោរ ហើមខួរក្បាលនិងរាងកាយចុះខ្សោយ។ ទោះជាយ៉ាងណាក៏ដោយការលើកឡើងទាំងនោះត្រូវបានគេច្រានចោលនិងអះអាងថាជាព័ត៌មានមិនពិត។ 

ភស្តុតាងជាច្រើនបានបង្ហាញថាការបរិភោគប៊ីចេងក្នុងបរិមាណមធ្យមគឺមិនមានផលប៉ះពាល់ចំពោះសុខភាពនោះទេ ប៉ុន្តែប្រសិនបើបរិភោគក្នុងបរិមាណច្រើនក៏អាចបណ្តាលឲ្យមានគ្រោះថ្នាក់ដូចគ្នា។ ដូច្នេះហើយទើបយើងទាំងអស់គ្នាមិនបាច់ព្រួយបារម្ភចំពោះការប្រើប្រាស់ប៊ីចេងនៅក្នុងម្ហូបអាហារនោះទេ។

អត្ថបទដោយ : Ice

ប្រភព : Healthline

https://www.healthline.com/nutrition/msg-good-or-bad#what-it-is