ស្ងាត់រឿងរ៉ាវជាមួយអាមេរិក ឥឡូវក្រុមហ៊ុន Huawei ចាប់លេងក្រុមហ៊ុនចិនដូចគ្នាម្ដង!

ហ្គេមអនឡាញរបស់ក្រុមហ៊ុន Tencent ត្រូវដកចេញបន្ទាប់ពីទើបតែដំណើរការលើឃ្លាំងកម្មវិធីរបស់ស្មាតហ្វូន Huawei កាលពីថ្ងៃសុក្រ ទី០១ ខែមករា ឆ្នាំ២០២១។

ប្រភពពីក្រុមហ៊ុន Tencent បានអះអាងថាក្រុមហ៊ុនយក្សចិនមួយនេះទទូចឲ្យ មានការកាត់បន្ថយ ៥០ ភាគរយនៃការលក់ហ្គេមរបស់ក្រុមហ៊ុនហ្គេមអនឡាញនេះនៅលើហាងកម្មវិធីរបស់ខ្លួន ហើយព្រោះតែនិយាយមិនត្រូវគ្នា និង Tecent មិនអាចយល់ព្រមលើកិច្ចព្រមព្រៀងបាន ទីបំផុតទើបត្រូវ Huawei ដកហ្គេមរបស់ក្រុមហ៊ុនម្ចាស់ហ្គេម PUBG ចេញដូចស្ពៃ មិនលើកលែងសូម្បីតែហ្គេមដ៏ល្បី PUBG៕

ប្រែសម្រួល៖ រីតា