ពានរង្វាន់អាជីវកម្មអន្តរជាតិឆ្នាំប្រចាំ ២០២១ ទទួល​ការ​ចូលរួម​បាន​ជាង ៣ ៨០០ កន្លែង​ពី​អង្គការ​នានា​មក​ពី​ប្រទេស ៦៣ ក្នុង​នាម​ជា​ថ្នាក់​ដឹក​នាំ​ពហុ​ក្រុមហ៊ុន ដែល​មាន​ភារកិច្ច​ដោះស្រាយ​បញ្ហា​ផ្សេង​ៗ​នៅ​ក្នុង​សង្គម។

ព្រីនស៍ ហូលឌីង គ្រុប (“ព្រីនស៍ គ្រុប”) ជា​ពហុ​ក្រុមហ៊ុន​មួយ​ក្នុង​ចំណោម​ពហុ​ក្រុមហ៊ុន​ដែល​ធំ​ជាង​គេ និង​រីក​ចម្រើន​បំផុត​នៅ​ក្នុង​ប្រទេស​កម្ពុជា មាន​មោទនភាព​សូម​ប្រកាស​ថា​អ្នកឧកញ៉ា ចេន ហ្ស៊ី (Chen Zhi - 陈志公爵) ជា​ប្រធានសម្ព័ន្ធ​ក្រុមហ៊ុន​ព្រីនស៍ គ្រុប ត្រូវ​បាន​គេ​ទទួល​ស្គាល់​ថា​ជា​សហគ្រិន​ឆ្នើម​ក្នុង​ប្រភេទ​នៃ​ពហុ​ក្រុមហ៊ុន​ប្រចាំ​ឆ្នាំ នៅ​ក្នុង​កម្មវិធី​ពាន​រង្វាន់​អាជីវកម្ម​អន្តរជាតិ​ប្រចាំ​ឆ្នាំ ២០២១។ 

អ្នកឧកញ៉ា ចេន ហ្ស៊ី (Chen Zhi) គឺជា​សហគ្រិន​តែ​ម្នាក់​គត់​ដែល​មាន​កិត្តិយស​នៅ​ក្នុង​ប្រភេទ​ពាន​រង្វាន់​មួយ ដែល​ត្រូវ​បាន​រៀបចំ​ឡើង​ក្នុង​ការ​អបអរ​សាទរ​ចំពោះ​ថ្នាក់​ដឹកនាំ​ដែល​គ្រប់គ្រង​អាជីវកម្ម​ក្នុង​ពហុ​វិស័យ។ អ្នកឧកញ៉ា គឺជា​មេដឹក​នាំ​ម្នាក់​ក្នុង​ចំណោម​មេ​ដឹក​នាំ​ទាំង​បី​នៅ​តំបន់​អាស៊ី ត្រូវ​បាន​គេ​ទទួល​ស្គាល់​ចំពោះ​ភាព​ជា​សហគ្រិន​ក្នុង​វិស័យ​ផ្សេង​ៗ​ប្រកប​ដោយ​សក្តានុភាព ក្នុង​អំឡុង​ពេល​ដែល​មាន​ការ​ប្រឈម​ខ្លាំង​បំផុត​នៅ​រយៈពេល​ប៉ុន្មាន​ឆ្នាំ​មក​នេះ ក្នុង​ភាព​ជា​អ្នក​ដឹកនាំ​នៃ​សាជីវកម្ម។​ ប្រធានសម្ព័ន្ធក្រុមហ៊ុនព្រីនស៍ គ្រុប រូប​នេះ​ស្ថិត​ក្នុង​ចំណោម​រលក​នៃ​អ្នក​ដឹកនាំ​ជំនាន់​ថ្មី នៃ​ពហុ​ក្រុមហ៊ុន​ដែល​កំពុង​ត្រូវ​បាន​ពិចារណា​អំពី​វិធីសាស្ត្រ​សម្រាប់​អាជីវកម្ម​ថ្មី​ៗ ដែល​បង្កើត​ឲ្យ​មាន​ភាព​ខុស​ប្លែក​គ្នា​ចំពោះ​គោល​ដៅ​សង្គម។

លើសពីនេះទៅទៀត សម្ព័ន្ធក្រុមហ៊ុន ព្រីនស៍ គ្រុប ក៏​បាន​ឈ្នះ​ពាន​រង្វាន់​សំរិទ្ធ​នៅ​ក្នុង​ប្រភេទ​ការ​ឆ្លើយ​តប​របស់​សាជីវកម្ម​មាន​តម្លៃ​បំផុត​ទៅ​នឹង​វិបត្តិ​ជំងឺ Covid-19 នៅ​រយៈពេល​បី ខែ បន្ទាប់ពី​បាន​ធានា​មុន​នូវ​ការ​ទទួល​បាន​ជយលាភី​ក្នុង​ការ​ឆ្លើយ​តប​ល្អ​បំផុត​របស់​សាជីវកម្ម​ទៅ​នឹង​វិបត្តិ​ជំងឺ Covid-19 នៅ​ក្នុង​កម្ម​វិធី​ពាន​រង្វាន់ Asia-Pacific Stevie Awards ប្រចាំឆ្នាំលើកទី៨ នា​ខែ​ឧសភា។

ពាន​រង្វាន់​អាជីវកម្ម​អន្តរជាតិ​ឆ្នាំ ២០២១ ទទួល​បាន​ការ​ចូលរួម​ជាង ៣ ៨០០ ដែល​មក​ពី​អង្គការ​នានា​នៅ​ក្នុង​ប្រទេស ៦៣។ ពានរង្វាន់ Gold Stevie Award របស់​អ្នកឧកញ៉ា ចេន ហ្ស៊ី (Chen Zhi) ចំពោះ​ភាព​ជា​សហគ្រិន​ក្នុង​ប្រភេទ​នៃ​ពហុ​ក្រុមហ៊ុន​ប្រចាំ​ឆ្នាំ និង​ពាន​រង្វាន់ Bronze Stevie Award របស់​សម្ព័ន្ធ​ក្រុមហ៊ុន ព្រីនស៍ គ្រុប នៅ​ក្នុង​ប្រភេទ​ការ​ឆ្លើយតប​របស់​សាជីវកម្ម​ដែល​មាន​តម្លៃ​បំផុត ត្រូវ​បាន​បញ្ចប់​រួចរាល់ បន្ទាប់ពី​មាន​ការ​បោះឆ្នោត​អស់​រយៈពេល​ពីរ​ខែ ដោយ​មាន​កិច្ចពិភាក្សា​ពី​ក្រុម​អ្នក​ជំនាញ និង​អ្នក​ធ្វើ​សេចក្ដី​សម្រេច​សំខាន់​ៗ ២៦០ រូប មកពី​ទូទាំង​ពិភពលោក។

ក្នុងរយៈ​ពេល​មួយ​ឆ្នាំ​កន្លង​មក​នេះ ក្រុមហ៊ុន​ផ្សេង​ៗ​ដែល​ជា​សមាជិក​របស់​សម្ព័ន្ធ​ត្រូវ​បាន​អ្នក​ឧកញ៉ា ចេន ហ្ស៊ី (Chen Zhi) អំពាវនាវ​ឲ្យ​បង្កើត​ភាព​ខុស​ប្លែក​គ្នា​នៅ​ក្នុង​ការ​រស់​នៅ​របស់​បុគ្គលិក សហគមន៍​នានា​ដែល​បាន​ទទួល​រង​ផល​ប៉ះពាល់ ក៏​ដូចជា​បុគ្គលិក​ជួរមុខ។ 

ក្នុង​ខែ​មីនា អ្នកឧកញ៉ា ចេន ហ្ស៊ី (Chen Zhi) បាន​បរិច្ចាគ​ថវិកា ៣ លាន​ដុល្លារ​ ជូន​ដល់​កិច្ច​ខិតខំ​ប្រឹងប្រែង​របស់​រាជរដ្ឋាភិបាល​កម្ពុជា​ក្នុង​ការ​ប្រយុទ្ធ​ប្រឆាំង​ការ​រីករាលដាល​ជំងឺ Covid-19 ដែល​បាន​ធ្វើ​ឡើង​បន្ទាប់ពី​ការ​បរិច្ចាគ​ថវិកា​លើក​ដំបូង ៣ លាន​ដុល្លារ ដើម្បី​ជួយ​ប្រទេស​កម្ពុជា​ក្នុងការ​ទិញ​វ៉ាក់សាំង ១ លានដូស កាលពី​ខែ​ធ្នូ​កន្លង​ទៅ​នេះ។ 

ប្រធានសម្ព័ន្ធក្រុមហ៊ុនព្រីនស៍ គ្រុប ក៏​បាន​សំណូមពរ​សម្ព័ន្ធ​រៀបចំ​ឲ្យ​បាន​រហ័ស​ការ​ចាក់​វ៉ាក់សាំង​ការពារ​ជំងឺ Covid-19 ជាច្រើន​លើក​ជូន​ដល់​បុគ្គលិក​ប្រមាណ​ជាង ៣ ៥០០ នាក់​ផង​ដែរ។ ថ្មី​ៗ​នេះ អ្នកឧកញ៉ា ចេន ហ្ស៊ី (Chen Zhi) បាន​ចុះ​ហត្ថលេខា​ទៅ​លើ​ភាព​ជា​ដៃ​គូ​ក្នុង​រយៈពេល​វែង​ជាមួយ​អង្គការ Caring For Cambodia ដែល​ជា​អង្គការ​សប្បុរសធម៌​ឈាន​មុខ​គេ​ខាង​វិស័យ​អប់រំ​ផ្ដោត​លើ​សិស្ស​ក្រីក្រ ហើយ​សម្ព័ន្ធ​នឹង​ឧបត្ថម្ភ​ដល់​ការ​រៀបចំ​អាជីព​ការងារ ដែល​ជា​គំនិត​ផ្ដួចផ្ដើម​មួយ ដើម្បី​ជួយ​តំរែតម្រង់​ទិសដៅ​ដល់​សិស្សានុសិស្ស​ប្រមាណ ៣ ០០០ នាក់ ដែល​មិនទាន់​ទទួល​បាន​ការ​អប់រំ​ច្បាស់លាស់ និង​សំដៅ​ជួយ​ដល់​ការ​ស្វែងរក​ការងារ​ធ្វើ​នៅ​ក្រោយ​វិបត្តិ Covid-19 តាម​រយៈ​ការ​លើក​កម្ពស់​ឲ្យ​ពួកគេ​ទទួល​បាន​ចំណេះដឹង និង​ជំនាញ​សំខាន់​ៗ​ជាច្រើន។ 

ក្នុង​នោះ​ដែរ អ្នកឧកញ៉ា ចេន ហ្ស៊ី (Chen Zhi) ក៏​បាន​អនុវត្ត​ទិសដៅ​ឆ្ពោះ​ទៅ​រក​ការ​អភិវឌ្ឍ​ប្រកប​ដោយ​ចិរភាព តាមរយៈ​ការ​ដាក់​ឲ្យ​ដំណើរការ​ជា​ផ្លូវការ​ទីក្រុង​រាម ដែល​ជា​គម្រោង​អភិវឌ្ឍន៍​លើ​ឆ្នេរ​សមុទ្រ​មាន​ទំហំ​ដី ៨៣៤ ហិកតា ហើយ​ត្រូវ​បាន​បង្កើត​ឡើង​ដោយ​ផ្អែក​លើ​គោលការណ៍​អចលន​ទ្រព្យ​ប្រកប​ដោយ​ចិរភាព។ 

ក្រុមហ៊ុន Canopy Sands Development ដែល​ជា​សមាជិក​នៃ​សម្ព័ន្ធ​ក្រុមហ៊ុន​នេះ បាន​ចាប់ផ្តើម​ធ្វើការ​លើ​គម្រោង​មាន​គោល​បំណង​កំណត់​អាទិភាព​នៅ​ក្នុង​ប្រទេស​ដោយ​ប្រកាន់​ខ្ជាប់​ស្តង់ដារ​អន្តរជាតិ។ Canopy Sands Development នឹង​ចេញ​ផ្សាយ​ការ​ដាក់​សម្ពោធ​របាយការណ៍​អំពី​បរិស្ថាន សង្គម និង​អភិបាល​កិច្ច​របស់​ខ្លួន​ក្នុង​ពេល​ឆាប់​ៗ​នេះ​ផង​ដែរ។

ក្នុង​យុគ​សម័យ​មួយ​ដែល​ពហុ​ក្រុមហ៊ុន​នានា​កំពុង​បំពេញ​ទំនួល​ខុស​ត្រូវ​សង្គម​របស់​ខ្លួន អ្នក​ឧកញ៉ា ចេន ហ្ស៊ី (Chen Zhi) និង​ក្រុមការងារ​ថ្នាក់​ដឹកនាំ​របស់​លោក​ក្នុង​សម្ព័ន្ធ​ក្រុមហ៊ុន ព្រីនស៍ គ្រុប ខិតខំ​ធ្វើការ​មិន​ខ្លាច​នឿយហត់ ដើម្បី​ជា​កម្លាំង​ជំរុញ​ឲ្យ​កម្ពុជា​មាន​ស្ថានភាព​ល្អ​ប្រសើរ និង​ជា​ផ្នែក​មួយ​នៃ​ការ​គាំទ្រ​ប្រទេស ដើម្បី​យក​ឈ្នះ​ពី​ជំងឺ​រាតត្បាត​ដ៏​កាច​សាហាវ​នេះ។

អំពីក្រុមហ៊ុន ព្រីនស៍ ហូលឌីង គ្រុប

ព្រីនស៍ ហូលឌីង គ្រុប (Prince Holding Group) គឺជា​ក្រុមហ៊ុន​ពហុ​ផលិតផល​​ដ៏​ធំ និង​កំពុង​មាន​ភាព​រីកចម្រើន​លឿន​ជាង​គេ​មួយ​នៅ​កម្ពុជា ដែល​មាន​អង្គភាព​ផ្សេង​ៗ  ផ្ដោត​ទៅ​លើ​វិស័យ​ស្នូល បី គឺ​ការ​អភិវឌ្ឍ​អចលនទ្រព្យ សេវាហិរញ្ញវត្ថុ និង​សេវាអតិថិជន។

អង្គភាព​អាជីវកម្ម​សំខាន់​ៗ​របស់​ក្រុមហ៊ុន ព្រីនស៍ ហូលឌីង គ្រុប (Prince Holding Group) នៅ​កម្ពុជា​រួមមាន៖ ក្រុមហ៊ុន Prince Real Estate Group ក្រុមហ៊ុន Prince Huan Yu Real Estate Group ធនាគារ Prince Bank ក្រុមហ៊ុនអាកាសចរណ៍ Cambodia Airways ក្រុមហ៊ុន Belt Road Capital Management ក៏ដូចជាក្រុមហ៊ុន​ Awesome Global Investment Group ផងដែរ។ តាមរយៈ​ក្រុមហ៊ុន​បុត្រ​សម្ព័ន្ធ​របស់​ខ្លួន ព្រីនស៍ ហូលឌីង គ្រុប (Prince Holding Group) មានអាជីវកម្មជាង ៨០ នៅ​ក្នុង​ប្រទេស​កម្ពុជា ដែល​កំពុង​ធ្វើ​ប្រតិបត្តិការ​ទៅ​លើ​វិស័យ​អភិវឌ្ឍន៍​អចលនទ្រព្យ វិស័យធនាគារ ហិរញ្ញវត្ថុ អាកាសចរណ៍ ទេសចរណ៍ ភស្តុភារ បច្ចេកវិទ្យា ចំណីអាហារ និងភេសជ្ជៈ និងជីវិតរស់នៅ។

ការ​កើន​ឡើង​ការ​វិនិយោគ​ផ្ទាល់​ពី​បរទេស កិច្ច​ព្រមព្រៀង​ពាណិជ្ជកម្ម​សេរីជា​មួយ​បណ្តា​ប្រទេស​ឈាន​មុខ​គេ និង​ការ​ចូលរួម​នា​ពេល​អនាគត​នៅ​ក្នុង​ភាព​ជា​ដៃ​គូ​សេដ្ឋកិច្ច​តំបន់​ទូលំទូលាយ ត្រូវ​​បាន​គេ​រំពឹង​ថា​នឹង​ដើរ​តួ​ជា​កម្លាំង​ចលករ​ដ៏​សំខាន់​មួយ ដើម្បី​ជំរុញ​ដល់​សេដ្ឋកិច្ច​កម្ពុជា​ដែល​គាំទ្រ​តាម​រយៈ​គំនិត​ផ្ដួចផ្ដើម​គោល​នយោបាយ​របស់​រាជរដ្ឋាភិបាល មាន​ភាព​អនុគ្រោះ​ចំពោះ​វិស័យ​ឧស្សាហកម្ម។

ដោយ​មាន​ការ​ប្រើ​បណ្ដាញ​ក្រុម​អ្នក​ជំនាញ​ខាង​ឧស្សាហកម្ម​ធុរកិច្ច និង​ហិរញ្ញវត្ថុ​នៅ​ទូទាំង​ទ្វីប​អាស៊ី ព្រីនស៍ ហូលឌីង គ្រុប បាន​ចាក់​គ្រឹះ​ដ៏​រឹងមាំ ដើម្បី​ធ្វើ​ជា​ស្ពាន​ចម្បង​មូលធន​ក្នុង​ស្រុក និង​អន្តរជាតិ។ សម្ព័ន្ធ​នេះ​បាន​ប្ដេជ្ញា​យ៉ាង​មុតមាំ ចំពោះ​ការ​អភិវឌ្ឍ​នា​រយៈ​ពេល​វែង​របស់​កម្ពុជា។ ជាឧទាហរណ៍ ព្រីនស៍ ហូលឌីង គ្រុប កំពុង​អភិវឌ្ឍន៍​ទី​ក្រុង​រាម ដែល​ជា​គម្រោង​ទេសចរណ៍ និង​លំនៅឋាន​នា​ពេល​ខាង​មុខ​ដែល​នឹង​ក្លាយ​ជា​គម្រោង​អចលនទ្រព្យ​ប្រកបដោយ​និរន្តរភាព​ឈាន​មុខ​គេ​មួយ​នៅ​ប្រទេស​កម្ពុជា ក្នុង​គោល​បំណង​ធានា​បាន​នូវ​ការ​វិនិយោគ​សម្រាប់​តំបន់​នេះ​សរុប​ប្រមាណ ១៦ ពាន់​លាន​ដុល្លារ។ គម្រោង​នេះ​មាន​ទីតាំង​ស្ថិត​នៅ​ចម្ងាយ ១០ នាទី​ពី​អាកាសយានដ្ឋាន​អន្តរជាតិ​ក្រុង​ព្រះសីហនុ គម្រោង​នេះ​មាន​គោលបំណង​រួម​ចំណែក​ដល់​ការ​ស្ដារ​សេដ្ឋកិច្ច​នៅ​ក្នុង​ខេត្ត​ព្រះសីហនុ។

អំពីពានរង្វាន់ Stevie® Awards

ពានរង្វាន់ Stevie Awards ត្រូវ​បាន​ផ្ដល់​ជូន​នៅ​ក្នុង​កម្មវិធី ៨ រួម​មាន៖ ពានរង្វាន់ Asia-Pacific Stevie Awards, ពានរង្វាន់ German Stevie Awards, ពានរង្វាន់ Middle East & North Africa Stevie Awards, ពានរង្វាន់ American Business Awards®, ពានរង្វាន់ International Business Awards®, ពានរង្វាន់ Stevie Awards for Women in Business, ពានរង្វាន់ Stevie Awards for Great Employers និងពានរង្វាន់ Stevie Awards for Sales & Customer Service។ ការ​ប្រកួត​ប្រជែង​ក្នុង​ពាន​រង្វាន់ Stevie Awards ទទួល​បាន​ការ​ចូលរួម​ច្រើន​ជាង ១២ ០០០ ជា​រៀងរាល់​ឆ្នាំ​ពី​អង្គការ​នានា​នៅ​ក្នុង​ប្រទេស​ជាង ៧០។ ពាន​រង្វាន់ Stevies ត្រូវ​បាន​ទទួល​ស្គាល់​ជា​ការ​វាយតម្លៃ​ដ៏​ឆ្នើម​ក្នុង​កន្លែង​ធ្វើការ​នៅ​ទូទាំង​ពិភពលោក ដោយ​ទទួល​បាន​ការ​ផ្ដល់​កិត្តិយស​ពី​អង្គការ​នានា​នៅ​គ្រប់​ប្រភេទ និង​ទំហំ ក៏​ដូច​ជា​មនុស្ស​គ្រប់គ្នា​ដែល​នៅ​ពី​ក្រោយ​ផង​ដែរ។ 

សម្រាប់ព័ត៌មានផ្សេងៗអំពីក្រុមហ៊ុន ព្រីនស៍ ហូលឌីង គ្រុប សូមទំនាក់ទំនងមកកាន់ៈ

អ្នកនាង Ada Leung                                   លោក Andrew Scott

Hill+Knowlton Strategies Asia                 Hill+Knowlton Strategies Asia

ទូរសព្ទលេខ៖ +852-2894-6225                   ទូរសព្ទលេខ៖ +852-5918-9896 

Email: Ada.leung@hkstrategies.com       Andrew.scott@hkstrategies.com