ត្បិតប្រទេសកម្ពុជា មានការអាក់ខានមិនបានរៀបចំប្រារព្ធពិធីប្រណាំងទូក នៅតាមបណ្តោយ​​ដង​ទន្លេ​សាប​យ៉ាងណាក៏ដោយ ​ប៉ុន្តែថ្នាក់ដឹកនាំ​ TNAOT APP បានបង្កើតកម្មវិធីកម្សាន្តជុំគ្នា សម្រាប់បុគ្គលិកទាំងអស់ ដែលមានឈ្មោះថា Team Building​ ។

ពិធីអបអរសាទរបុណ្យអុំទូក និង Team Building (ការបង្កើតស្មារតីក្នុងក្រុម) TNAOT APP ត្រូវបានរៀបចំឡើងធ្វើ នៅខាងមុខ​ទីស្នាក់ការរបស់ក្រុមហ៊ុនកោះថ្មីតិចណូឡូជី យ៉ាងគគ្រឹកគគ្រេង កាលពីថ្ងៃម្សិល​មិញ​នេះ។

បុគ្គលិកទាំងជនជាតិចិន និងខ្មែរនៃ TNAOT APP បានរួមគ្នាបង្កើតឱ្យមានស្នាមញញឹម និង​ភាពសប្បាយ​រីករាយ​ តាម​រយៈ​ការលេងល្បែងសាមគ្គី ការទទួលទានអាហាររួមគ្នា ការចាប់រង្វាន់ និង​ការ​ទទួលបណ្ណសរសើរ​ពី​ក្រុមហ៊ុន ដែល​ទិដ្ឋភាពនេះ ហាក់​គាស់​រំលើង​ឡើងវិញ បន្ទាប់ពីពិភពលោក​បានជួបប្រទះ​នូវ​វិបត្តិ​ជំងឺកូវីដ១៩។

លោក ហ៊ី​ម សេរី ប្រធានគ្រប់គ្រងធនធានមនុស្សនៃ TNAOT APP បានឱ្យដឹងថា Team Building ត្រូវបានរៀបចំឡើងស្របពេលកម្ពុជា មានព្រះរាជពិធីបុណ្យអុំទូក គឺជាឱកាស​ដើម្បី​បង្ហាញ​ឱ្យ​បរ​ទេសដែលកំពុងធ្វើការនៅក្រុមហ៊ុន បានស្គាល់ពីវប្បធម៌ប្រពៃ ណីខ្មែរ ដែលល្អឯកនេះ ព្រោះនៅ​ក្រុម​ហ៊ុន បុគ្គលិកខ្មែរមានរហូតដល់ទៅ៩០% រីឯជនជាតិចិនមានប្រមាណ១០%​ប៉ុណ្ណោះ ដូច្នេះពួកគាត់​ត្រូវដឹងខ្លះ អំពីប្រពៃណីជាតិរបស់ខ្មែរ។

លោកហ៊ីម សេរីបញ្ជាក់ថា៖”ការរៀបចំពិធីមានគោលបំណង៣ គឺទី១ ចង់ឱ្យបុគ្គលិកទាំងអស់ជួបជុំគ្នា ក្នុងកម្មវិធី​ពិសេស​ធំៗ បុណ្យជាតិខ្មែរយើង ដើម្បីបង្ហាញពីការយកចិត្តទុកដាក់របស់ក្រុមហ៊ុន ទី២​ជា​ធម្មតា​បុណ្យ​អុំទូកគឺជាបុណ្យជាតិនៅទីនេះ ចង់ឱ្យជនជាតិបរ ទេស បានស្គាល់បុណ្យអុំទូក ក៏ដូច​ជា​ការរម្លឹក​កុំឱ្យកូន​ខ្មែរភ្លេចប្រវត្តិដ៏ល្អ វប្បធម៌ដ៏ល្អនៃបុណ្យមួយនេះ ទី៣ យើងចង់ពង្រីកការផ្សាយ​នូវ​វប្បធម៌​ខ្មែរ ដែលមានព្រះរាជពិធីបុណ្យនេះ ​តាំងពីបុរាណពីដូនតា​មកឱ្យជាតិសាសន៍ដទៃបានដឹង”។

កម្មវិធី Team Building បានរៀបចំឱ្យមានការលេងល្បែងសាមគ្គី ដែលនេះគឺជាវិធីសាស្រ្តមួយធ្វើឱ្យ​បុគ្គលិក​ចេះជួយគ្នា និងសហ ការជាក្រុមការងារផ្ទាល់ ព្រមទាំងមានចែកបណ្ណសរសើរ​ដល់​បុគ្គលិកឆ្មើ​ម១៣នាក់ និងការដឹងគុណដល់បុគ្គលិក ដែលបានធ្វើការអស់រយៈពេល​៥កន្លងទៅ។

លោក ហ៊ីម សេរីបញ្ជាក់ថា៖”នេះគឺជាលើកទី១ ដែលTNAOT APP បានរៀបចំពិធីអប​អរ​បុណ្យ​អុំទូក ហើយគោលដៅរបស់​ក្រុមហ៊ុន គឺ​ចង់ឱ្យមានកម្មវិធីនេះជារៀងរាល់ឆ្នាំ ក្នុងបុណ្យជាតិ​សំខាន់ៗ​ របស់​ប្រទេសកម្ពុជា”។

ជារួម ការរៀបចំបង្កើតបរិយាកាសរីករាយ ឬពិធីជប់លៀង សម្រាប់បុគ្គលិក គឺជាការលើក​ចិត្ត​បុគ្គលិក​ដោយផ្តល់ជារង្វាន់ បណ្ណសរ សើរ និងការលេងល្បែងកម្សាន្តរួមគ្នា ដើម្បីចង់ឱ្យបុគ្គលិក​នៅ​ធ្វើ​ការ​ជា​មួយ​នឹងក្រុមហ៊ុន ដោយគ្មានបំណងចាកចេញទៅណា។

ដើម្បីទទួលបានភាពទាក់ទាញ និងការចាប់អារម្មណ៍ពីថ្នាក់ដឹកនាំថាជាបុគ្គលិកគំរូឆ្នើម បុគ្គល​ទាំង​​អស់​គួរ​ចេះស្រឡាញ់ការងារខ្លួន​ឯង ក្រុមខ្លួនឯង ក្រុមហ៊ុនខ្លួនឯង នោះប្រយោជន៍និង​បាន​មក​ដល់ខ្លួន​ឯង​ដែរ ពិសេសត្រូវព្យាយាមធ្វើការងារឱ្យអស់ពីចិត្ត និងស្មោះ​ស្មគ្រ័​ចំពោះក្រុមហ៊ុន ដូច្នេះក្រុមហ៊ុននឹងមាន​ការ​ដឹង​គុណ និងលើកទឹកចិត្តដល់អ្នកដែលបានខំប្រឹងប្រែង៕ ដោយ៖ ឃួន លក្ខិណា