នៅឆ្នាំ៨០២ ព្រះបាទជ័យវរ្ម័នទី២ បានឡើងលើភ្នំគូលែន ឬមហេន្ទ្របព៌ត ប្រារព្ធពិធីទេវរាជ និងប្រកាសឯករាជ្យពីការត្រួតត្រារបស់នគរជ្វា ដែលក្នុងសិលាចារឹកសរសេរថាចាវ៉ាៗ ហើយប្រវត្តិវិទូសន្មតថាជាប្រទេសឥណ្ឌូនេស៊ីសព្វថ្ងៃនេះ។

ទីតាំងដែលព្រះអង្គប្រារព្ធពិធីត្រូវបានគេសង្ស័យថា នៅត្រង់ប្រាសាទ​រោងចិន ឬប្រាសាទអារាមរោងចិន នោះឯងដោយសារទីនោះសង់ឡើងអំពីថ្មបាយក្រៀម មានចំនួន ៥ ថ្នាក់ តំណាងឲ្យភ្នំ បែរមុខទៅទិសខាងកើត។ ប្រាសាទនេះត្រូវបានអ្នកផងស្គាល់ព្រោះបច្ចុប្បន្នថា រោងចិន ប៉ុន្តែក៏មានឈ្មោះមួយទៀតដែលគេមិនសូវស្គាល់លើកលែងអ្នកស្រុកទីនោះគឺ​ ប្រាសាទត្រពាំងរង។

ប្រាសាទរោងចិន មានទីតាំងនៅភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប ស្ថិតក្នុងរចនាបថគូលែន នាសតវត្សទី៩ ឧទ្ទិសថ្វាយ ព្រហ្មញ្ញសាសនា រជ្ជកាលព្រះបាទជ័យវរ្ម័នទី២៕ 

រូបភាព៖ Knowledge & General Culture