ថ្ងៃទី២៨ ខែកញ្ញា ឆ្នាំ២០២២ ពិធីសម្ភោធភាពយន្តចម្រៀង “ជីវិតក្មេងវត្ត” គឺជាស្នាដៃនិពន្ធដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។ ពិធីសម្ភោធភាពយន្តចម្រៀង “ជីវិតក្មេងវត្ត” មានវត្តមានក្រោមអធិបតីភាពលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និង វិចិត្រសិល្បៈ នៅទីស្តីការក្រសួងរៀបចំដែនដីនគររូបនីយ៍កម្ម និងសំណង់ មានវត្តមានចូលរួមផងដែរ។

ខ្សែភាពយន្តចម្រៀង “ជីវិតក្មេងវត្ត” ជាភាពយន្តចម្រៀងដែលពោរពេញទៅដោយការតស៊ូ ព្យាយាមអំណត់អត់ធន និងការខិតខំប្រឹងប្រែងពុះពារគ្រប់ឧបសគ្គដើម្បីក្រេបយកចំណេះវិជ្ជា។ ខ្សែភាពយន្តចម្រៀង “ជីវិតក្មេងវត្ត” នេះផលិតដោយសមាគមសិល្បករខ្មែរនិងដឹកនាំសម្តែងដោយ លោក ហ្វៃ សំអាង។ ក្នុងថ្ងៃទី២៨ ខែកញ្ញានេះ ក្នុងឱកាសពិធីសម្ភោធភាពយន្តចម្រៀង “ជីវិតក្មេងវត្ត” ក៏មានការចូលរួមពីសហភាពសហព័ន្ធយុវជនកម្ពុជា (UYFC) ចូលរួមទស្សនាជាច្រើនផងដែរ៕

អត្ថបទ៖ ឡុង រតនា