ភ្នំពេញ៖ សពនារីម្នាក់ ដែលបានសម្រេចចិត្តធ្វើអត្តឃាតដោយលោតទឹកសម្លាប់ខ្លួនពីលើស្ពានជ្រោយចង្វារ កាលពីប៉ុន្មានថ្ងៃមុន ឥឡូវបានអណ្ដែតឡើងមកលើហើយ និងត្រូវគេចងអូសយកឡើងគោក មុននេះបន្តិច​ត្រូវនឹងថ្ងៃទី ៨ ខែតុលា ឆ្នាំ២០២២នេះ។យោងតាមប្រភពព័ត៌មានពីស្វាមី បានឱ្យដឹងថា សពស្រ្តីខាងលើមានឈ្មោះ ចេង ស្រីណេ អាយុ ២០ ឆ្នាំ មានស្រុកកំណើតនៅខេត្តកំពង់ធំ ដោយតូចចិត្តនឹងប្ដីមិនឱ្យទៅធ្វើការនៅក្នុងហាង នៅខេត្តព្រះសីហនុ ក៏សម្រេចចិត្តធ្វើអត្តឃាតដោយលោតទឹកសម្លាប់ខ្លួនតែម្ដង។

គួរបញ្ជាក់ថា ស្ត្រីខាងលើនេះ បានឡើងទៅលើស្ពានជ្រោយចង្វារ និងលោតចុះក្រោមសម្លាប់ខ្លួន កាលពីវេលាថ្ងៃត្រង់ ថ្ងៃទី ៦ ខែតុលា ឆ្នាំ២០២២ ដោយបន្សល់ទុកកាបូបស្ពាយពណ៌ខ្មៅ ១ ទូរស័ព្ទដែ ១គ្រឿង ស្បែកជើង ១គូ ស្ទីងដាក់ទឹកកក ១កែវ និងតុក្កតា ខ្លាឃុំពណ៌លឿង ១ នៅក្បែរបង្កាន់ដៃស្ពាន៕

អត្ថបទ៖ ឡុង រតនា