ភ្នំពេញ ៖ បើតាមសេចក្ដីរាយការណ៍បឋមបានឲ្យបានដឹងថា លោក ជឿន ប៊ុនចក់ ហៅ admin ជីងចក់ ត្រូវបានគេយកទូរស័ព្ទគប់បែកចិញ្ចើមខាងឆ្វេង ហូរឈាម ផ្អើលដល់សន្តិសុខចុះសួរនាំ នៅចំណតឡានផ្សារទំនើបមួយ ក្នុងខណ្ឌសែនសុខ រាជធានីភ្នំពេញ កាលពីល្ងាចថ្ងៃទី២៤ ខែតុលា ឆ្នាំ២០២២នេះ ។

ហេតុការណ៍នេះកើតឡើង គេមិនទាន់ដឹងពីមូលហេតុយ៉ាងណានៅឡើយ ចំណែកអ្នកដែលគប់លោក ជឿន ប៊ុនចក់ ក៏មិនទាន់ស្គាល់អត្តសញ្ញាណនៅឡើយដែរ ។ បច្ចុប្បន្នក្រោយពេលកើតហេតុ លោក ជឿន ប៊ុនចក់ បានទៅព្យាបាលរបួសនៅគ្លីនិកឯកជនមួយកន្លែង ដោយក្រុមគ្រូពេទ្យដេរបួសចំនួន៥ថ្នេរផងដែរ៕

អត្ថបទ៖​ ឡុង រតនា