កោះនរា ស្ថិតនៅតាមដងទន្លេមេគង្គដែលជាកោះមួយស្ថិតចំនុចកណ្ដាលនៃទីក្រុងរណបកោះពេជ្យ និងខណ្ឌច្បាអំពៅ នៃរាជធានីភ្នំពេញ​។ គម្រោងអភិវឌ្ឍន៍កោះនរា ត្រូវបានរាជរដ្ឋាភិបាលកម្ពុជាបានប្រគល់សិទ្ធទៅឱ្យក្រុមហ៊ុន Overseas Cambodia investment Corp Ltd (OCIC) របស់អ្នកឧកញ៉ា ពង់ ឃាវសែ ក្នុងការអភិវឌ្ឍន៍កោះនរា ឱ្យទៅជាទីក្រុងរណបមួយ​ថ្មីក្នុងរាជធានីភ្នំពេញ។ 

គម្រោងអភិវឌ្ឍន៍កោះនរា សាងសង់ចាប់តាំងពីខែមករាឆ្នាំ ២០២០ អភិវឌ្ឍន៍លើផ្ទៃដី ប្រមាណ ១២៥ ហិកតា នឹងបានបុកគ្រឹះបេតុងចាក់ថ្មនិងចាក់ខ្សាច់បំពេញដើម្បីអាចសាងសង់ច្រាំងទន្លេ និងរៀបចំហេដ្ឋារចនាសម្ព័ន្ធតាមប្លង់មេនៃគំរោងអភិវឌ្ឍន៍កោះនរា ដែលគ្រោងនឹងចំណាយទឹកប្រាក់ប្រមាណ ៥៥០លានដុល្លារអាមេរិក និងបញ្ជប់ការសាងសង់រយៈពេលបីឆ្នាំ។ 

បើតាម អ្នកឧកញ៉ា ពង់​ ឃាវសែ ប្រធានក្រុមហ៊ុន OCIC បានប្រសាសន៍ គម្រោងអភិវឌ្ឍន៍កោះនរា នឹងផ្ដល់អត្ថប្រយោជន៍ដល់សេដ្ឋកិច្ច និងសង្គមយ៉ាងច្រើនដល់ប្រទេសជាតិ តាមរយៈការវិនិយោគ។

យោងតាមរបាយការណ៍ពីក្រុមហ៊ុនOCIC បានឱ្យដឹងថា គម្រោងអភិវឌ្ឍន៍កោះនរា គ្រោងចំណាយថវិកាសរុបប្រមាណ ២,៥ ពាន់លានដុល្លារអាមេរិកសម្រាប់ទីក្រុងរណបថ្មីមួយនេះ ដែលអាចអនុញ្ញាតឲ្យប្រជាពលរដ្ឋរស់នៅបានចំនួនប្រមាណ ៥ ម៉ឺននាក់ ដោយឡែកសម្រាប់ថវិកា ៥៥០ លានដុល្លារនៃការសាងសង់ហេដ្ឋារចនាសម្ព័ន្ធរយៈពេលបីឆ្នាំដំបូងត្រូវបានប៉ាន់ប្រមាណថាអាចរួមចំណែកដល់ការផលិតផលក្នុងស្រុក GDP ប្រមាណជា២២៥ ក្នុងមួយឆ្នាំៗ ដែលស្មើនឹងជិត ០.៩ ភាគរយនៃ GDP នាពេលបច្ចុប្បន្ន។

ការងារសាងសង់លើគម្រោងអភិវឌ្ឍន៍កោះនរានៅតែបន្ត បើទោះបីមានការរាំងស្ទះពីជំងឺរាតត្បាតកូវីដ១៩  បន្ទាប់ពីចប់ការសាងសង់តំបន់អភិវឌ្ឍន៍កោះនរានេះ នឹងបង្កើនការងារប្រមាណជា១ ម៉ឺនកន្លែងដើម្បីដំណើរការប្រតិបត្តិការប្រចាំថ្ងៃផងដែរ។ លើសពីនេះ ទីតាំងកោះនរា អាចមើលទិដ្ឋភាពនៃអគារខ្ពស់ៗជាច្រើនកំពុងតែបង្ហាញខ្លួននៅតាមច្រាំងទន្លេមេគង្គ ដែលស្ថិតនៅក្បែរតំបន់​​កោះ​ពេជ្រ។

លោកស្រី​ តាំង​ហួរ​ អគ្គ​នាយិកា​ក្រុមហ៊ុន​ AMATAK​ Property​ Service​ Co​, Ltd​ បានប្រាប់មកកាន់ក្រុមការងារ Harbor property ថា គម្រោងអភិវឌ្ឍន៍កោះនរានឹងមានអគារផុសផុលនាពេលអនាគត នឹងក្លាយជាតំបន់ស្អាតដាច់គេ។​ លោកស្រីបានបន្តថា នៅពេលស្ពានសាងសង់រួច​ ចាប់ផ្ដើមមានអគារផុសផុល​ ទីផ្សាអចលនទ្រព្យក៏ចាប់ផ្ដើមផុសផុលដែរ បើនិយាយពីទេសភាពនិងចំកណ្ដាលក្រុង នៅតំបន់នឹងគឺមានភាពទាក់ទាញបំផុត ដែលនឹងក្លាយជាតំបន់លេខ១នៅរាជធានីភ្នំពេញ​។ 

កោះនរា​នឹងក្លាយជាទីក្រុងរណប ដែលជាមជ្ឈមណ្ឌលពាណិជ្ជកម្ម ទេសចរណ៍ ដ៏ទាក់ទាញបំផុតនៅរាជធានីភ្នំពេញ។ ហើយវានឹងប្រមូលផ្តុំដោយអគារពាណិជ្ជកម្មធំៗខ្ពស់ៗ ដូចជាខុនដូ ផ្សារទំនើប សណ្ឋាគារ និងអគារស្នាក់នៅជាដើម។ 

ការធ្វើដំណើរនិងដឹកជញ្ជូន

ក្រុមហ៊ុន OCIC បច្ចុបប្បន​កំពុងតែ​ធ្វើកិ​ច្ចការ​ងារ​ជាមួយ​ក្រុម​ហ៊ុន​ចិន​មួយ​ដែលមានឈ្មោះថា «Cana Sino Construction» ដើម្បីសាងសង់ស្ពានចំនួនពីរទីតាំង។ ស្ពានទី១ ជាប្រភេទស្ពានបេតុងយោងកាប ដែលមានដែករាងឥន្ធនូ ២សងខាង តភ្ជាប់ពីផ្លូវជាតិលេខ១ ទៅកាន់តំបន់អភិវឌ្ឍន៍កោះនរា។ ស្ពាននេះមានបណ្ដោយប្រវែង ៦០ ម៉ែត្រ ទទឹង២០ ម៉ែត្រនិងមានកន្លងចំនួន ៣ សម្រាប់យានយន្ត និង១ កន្លងសងខាង សម្រាប់ថ្មើរជើង។ ចំពោះគម្រោងថវិកាចំណាយមានចំនួន ១.៦ មួយលានដុល្លារអាមេរិក នឹងចំណាយពេលសាងសង់ប្រមាណជា ១២ ខែ។

ស្ពានទី ២ ជាប្រភេទស្ពានបេតុងខ្សែកាប តភ្ជាប់ពីតំបន់អភិវឌ្ឍន៍កោះនរាទៅកាន់ទីក្រុងរណបកោះពេជ្រ មានប្រវែង ៨២៤ ម៉ែត្រនិងទទឹង ២៤.៥ ម៉ែត្រនឹងមាន៣ កន្លែងសំខាន់សម្រាប់យានយន្តនិង ១ កន្លងសងខាងសម្រាប់ថ្មើរជើង បន្ថែមពីនេះសរសរខ្សែកាបកម្ពស់ ៦០ ម៉ែត្រចំនួនពីរដើម ដែលមានចម្លាក់ក្បាច់ខ្មែរដ៏ពិសេស ធ្វើឲ្យស្ពានមានកម្ពស់ពីផ្ទៃទឹកដល់ទៅ៨ ម៉ែត្រជាអតិបរិមានូវរដូវវស្សាសម្រាប់នាវាចរណ៍អាចឆ្លងកាត់បាន ដែលគ្រោងចំណាយថវិកាចំនួន ៣៨ លានដុល្លារអាមេរិកនិងប្រើប្រាស់រយៈពេលសាសងប្រមាណជា ៣៥ ខែ។

តាមរយៈការសាងសង់ស្ពានទាំងពីរនេះ នឹងជួយកាត់បន្ថយការកកស្ទះចរាចរណ៍យ៉ាងច្រើននៅស្ពានព្រះមុនីវង្ស និងស្ពានអាកាសក្បាលថ្នល់។ ក្រោយគម្រោងស្ពានតភ្ជាប់កោះពេជ្រទៅកាន់កោះនរា ត្រូវបានបញ្ចប់ជាស្ថាពរនារយៈពេល ៣ឆ្នាំខាងមុខ តំបន់នេះនឹងវិវត្តខ្លួនទៅជាទីក្រុងរណបថ្មីមួយក្នុងទីក្រុងភ្នំពេញ។ 

លោក សំ សុខនឿន ប្រធាន​សមាគម​អចលនទ្រព្យ​សកល​បានថ្លៃង​ប្រាប់សារព័ត៌មានភ្នំពេញប៉ុស្ដិ៍ថា នៅពេល​មាន​ស្ពាន​ទាំង ២ បើក​ដំណើរការ កោះនរា​នឹង​ក្លាយជា​ទីតាំង​នៅជាប់​ចំណុច​កណ្តាល​រាជធានី-ភ្នំពេញ និង​ផ្លូវជាតិ​លេខ ១​។ ទីនោះ​នឹង​ក្លាយជា​កន្លែង​ដ៏ល្អ​សម្រាប់​ការរស់នៅ ដោយ​មាន​ប្រព័ន្ធ​ហេដ្ឋារចនាសម្ព័ន្ធ​ល្អប្រសើរ និង​នៅជាប់​មាត់ទន្លេ​ដែលមាន​អាកាសធាតុ និង​បរិស្ថាន​ស្រស់បំព្រង​។ លោក​អះអាងថា​៖ «​កោះនរា​ស្ថិត​ចំ​ទីតាំង​ល្អ​លើ​គ្រប់​ទិដ្ឋភាព​ទាំង​ការរស់នៅ និង​វិនិយោគ ហើយ​ទីផ្សារ​អចលនទ្រព្យ​នៅ​ទីនោះ​នឹងមាន​កំណើន​ខ្ពស់​នៅពេល​អនាគត​»​។

គម្រោងវិនិយោគ

ដោយឡែក ផែនការអភិវឌ្ឍន៍ទីក្រុងកោះនរា តាមរយៈប្លង់គោល​មានសភាពស្រដៀងគ្នានឹងទីក្រុងកោះពេជ្រនាពេលបច្ចុប្បន្ននេះ ដោយវានឹងក្លាយជាមជ្ឈមណ្ឌលពាណិជ្ជកម្ម លំនៅដ្ឋាន​លំដាប់អន្តរជាតិ​នាពេលអនាគត។ 

-គម្រោង Vue Aston ត្រូវបានអភិវឌ្ឍដោយក្រុមហ៊ុន Peninsula Capital គម្រោងនេះមានទីតាំងស្ថិតនៅក្នុងសង្កាត់និរោធ ខណ្ឌច្បារអំពៅ ដែលធ្វើការសាងសង់ខុនដូរ នៅតំបន់អភិវឌ្ឍន៍ដ៏សំខាន់មួយនៅក្នុងរាជធានីភ្នំពេញ។ ហើយទន្ទឹមគ្នានេះដែរ អ្នករស់នៅក្នុងគម្រោង វូ អាស្តុន នឹងកាន់តែមានភាពងាយស្រួលក្នុងការធ្វើដំណើរទៅកាន់តំបន់ទីប្រជុំជនកណ្ដាលក្រុង ដោយចំណាយពេលត្រឹមតែប៉ុន្មាននាទីប៉ុណ្ណោះ ក្រោយមានស្ពានភ្ជាប់ពីកោះពេជ្រទៅកោះនរា។

-ក្រុមហ៊ុនអភិវឌ្ឍសឹង្ហបុរី AKRAM Development Co., Ltd បានទិញយកដីធ្លីជាង៣.៥ហិកតានៅក្នុងតំបន់កោះនរាពី ក្រុមហ៊ុនវិនិយោគទុនអាណិកជនកម្ពុជា (OCIC) សម្រាប់គម្រោងអភិវឌ្ឍបែបប្រណីតលំដាប់កំពូលរបស់ខ្លួន ដែលគ្រោងនឹងវិនិយោគជាង១៥០លានដុល្លារ។ 

លោក Kelvin Chua អគ្គនាយកនៃ AKRAM Development Co,Ltd បានថ្លែងថា គោលបំណងនៃការទិញនេះគឺដើម្បីអភិវឌ្ឍន៍នូវគម្រោងបែបប្រណិតកំពូល ដោយសារមើលឃើញថា កោះនរាគឺជាទីតាំងយុទ្ធសាស្ត្រដ៏មុតមាំមួយដែលមិនត្រឹមតែស្ថិតនៅជាប់នឹងដងទន្លេមេគង្គប៉ុណ្ណោះទេ  តែក៏ស្ថិតនៅកៀកជាមួយនឹងទីតាំងដ៏ពិសិទ្ធ ២ ផ្សេងទៀត គឺទីក្រុងកោះពេជ្រ និងណាហ្គាវើលផងដែរ។ 

ដោយឡែកកោះនរាគឺជាទីក្រុងរណបមួយក្នុងខ័ណ្ឌច្បារអំពៅ ខណៈ គម្រោងអភិវឌ្ឍន៍ទីក្រុងកោះនរា តាមរយៈការតភ្ជាប់ស្ពានពីតំបន់អភិវឌ្ឍកោះពេជ្រ ទៅកាន់កោះនរា និងគម្រោងអភិវឌ្ឍន៍ធំៗជាច្រើនបាននិងកំពុងធ្វើឱ្យតម្លៃអចលទ្រព្យនៅតាមបណ្តោយផ្លូវជាតិលេខ១ ឬតំបន់ច្បារអំពៅកើនឡើងខ្លាំងក្នុងរយៈពេលចុងក្រោយនេះ។ ជាក់ស្ដែងនៅក្នុងខណ្ឌច្បារអំពៅ គឺមានគម្រោងវិនិយោគលំនៅឋានជាច្រើនសម្រាប់ការផ្គត់ផ្គង់លំនៅឋានផ្ទាល់ដី  គម្រោងលំនៅដ្ឋានទាំងនោះរួមមាន៖ 

-បុរីប៉េងហួត​បឹង​ស្នោ ជា​គម្រោង​បុរីធំជាង​គេ​នៅលើផ្លូវជាតិលេខ ១ ដែលប្រមូលផ្តុំដោយ​ផ្ទះ​ម៉ូដប្លែកៗ​ដូចជា​ផ្ទះ​ហ្សបហោស៍ វីឡាទោល វីឡាភ្លោះ និងភូមិគ្រឹះតម្លៃរាប់លានដុល្លារ ហើយ​នៅ​ក្នុ​ងបុរីមាន​គ្រប់​សេវាកម្ម​ប្រៀបប​​ដូចជា​កូនទីក្រុង​មួយ​ទៅហើយមានហាង​លក់​អាហារតូចធំ សាលារៀន​ជាដើម​។ ​​

-បុរីហាយធិចលុច្សសារី ក៏ជា​គម្រោង​បុរី​ដ៏​ធំមួយ​ដែរ​នៅលើផ្លូវជាតិលេខ១។ បុរី​ហាយធិក​លុច្សសារី​ផ្តោត​សំខាន់​លើការការ​អភិវឌ្ឍ​លំនៅដ្ឋាន​បែប​ប្រណិត​ៗសម្រាប់​អ្នកមាន​ជីវភាព​​លំដាប់។ ​បុរី​នេះ​មាន​ចម្ងាយ​ត្រឹម​តែ​ជាង ៨០០ ម៉ែត្រ​ខាង​កើត​ស្ពាន​ព្រះ​មុនីវង្ស​។ 

-គម្រោងអភិវឌ្ឍន៍លំនៅឋានThe Palms ដែលជាការវិនិយោគរួមគ្នា រវាងក្រុមហ៊ុន Worldbridge Land (Cambodia) Co., Ltd ជាក្រុមហ៊ុនអចលនទ្រព្យមានមូលដ្ឋាននៅប្រទេសកម្ពុជា និងក្រុមហ៊ុន Oxley Holdings Limited ជាក្រុមហ៊ុនអភិវឌ្ឍន៍អចលនទ្រព្យមានមូលដ្ឋាននៅប្រទេសសិង្ហបុរី។ គម្រោងអភិវឌ្ឍន៍លំនៅឋានThe Palmsគឺជាគម្រោងលំនៅដ្ឋានបែបរមណីយដ្ឋានប្រណីតដំបូងគេស្ថិតនៅក្នុងរាជាធានីភ្នំពេញ។ គម្រោងនេះមានផ្តល់ជូននូវប្រភេទលំនៅដ្ឋានបែបផ្ទះវីឡាជាប់មាត់ទន្លេ ។ 

កន្លែងកម្សាន្តនៅកោះនរា 

សួនច្បារកោះនរា

សួនច្បារនរា មានទីតាំងស្ថិតនៅ ភូមិកោះនរា សង្កាត់និរោធ ខណ្ឌច្បារអំពៅ ក្រុងភ្នំពេញ និងមានចម្ងាយប្រហែល ~9km ពីវត្តភ្នំ។ សួនច្បារនរា ស្ថិតនៅក្នុងប្រភេទ៖ ទេសចរណ៍កែច្នៃឬរមណីយដ្ឋានកែច្នៃ។ រីឯចំណុចសំខាន់ៗនៅ សួនច្បារនរា មានដូចជា៖ សួនកុមារឬកន្លែងលេងទង, ពិកនិច, កាហ្វេ, គយគន់ថ្ងៃរះ, គយគន់ថ្ងៃលិច, ទស្សនាសួនដាំណាំ, ទស្សនាសួនផ្កា និងចំណុចផ្សេងៗទៀត។

មិនតែប៉ុណ្ណោះ នៅទីនោះ លាតសន្ធឹងទៅដោយវាលស្មៅបៃតង ប្របមាត់ស្រះ ជាពិសេសមានផ្ការាប់សិបប្រភេទ រីកស្គុះស្គាយដេដាស បម្រើអារម្មណ៍ប្រិយមិត្តឱ្យរសាយអស់នូវទុក្ខកង្វល់ និង ថតរូបលេងជាមួយនឹងប្លង់ថតរូបស្អាតៗ ដោយសេរី ពុំមានគិតថ្លៃចូលទស្សនានោះឡើយ៕

ទន្លេលាភ

ស្ថិតនៅក្នុងភូមិកោះនរា សង្កាត់និរោធ ខណ្ឌច្បារអំពៅ ដែលមានភោជនីដ្ឋានមួយកន្លែងមាន ឈ្មោះថា ទន្លេលាភ ក៏ជាអាហារដ្ឋាន និងលំហែលើមាត់ទឹកបែបរមណីយដ្ឋានធម្មជាតិ។ នៅទីនេះអាហារដែលលោកអ្នកមិនគួររំលងមាន ខ្យងអាំង ត្រីបឹងកាឆែត និងជ្រូកកណ្តុរ។

ការលំហែកាយដែលស្ថិតនៅក្នុងក្រុងភ្នំពេញដូចនេះគឺសាកសមបំផុតសម្រាប់អ្នកដែលមាន ពេលវេលារវល់ច្រើន។ ក្រុងភ្នំពេញគឺបានផ្តល់ភាពសម្បូរបែបដែលផ្តល់ជូនអ្នករស់នៅក្រុងភ្នំពេញ។

លោកអ្នកអាចស្វែងទិញ លក់ ជួលអចលនទ្រព្យ​ជាង៥មុឺន តាមរយៈគេហទំព័រ ឬកម្មវិធីក្នុងទូរស័ព្ទ របស់ Harbor Property​ ដោយសេរីនិងឥតគិតថ្លៃ៕

អំពីសេវាកម្ម ឬចម្ងល់ផ្សេងៗសូមទំនាក់ទំនងយើងខ្ញុំតាមរយៈ៖

Hotline: 096 7876 902 (Telegram)/ 066 886 633

WeChat: HB066886633