លោក ជា សុវណ្ណារិទ្ធ ពិធីករដ៏មានឈ្មោះបោះសម្លេងមួយរូបប្រចាំនៅស្ថានីយទូទស្សន៍បាយ័ន បានបង្ហោះសារលើកទឹកចិត្តទៅដល់ កីឡាករប្រដាល់ ព្រំ សំណាង ដែលបានបាក់ទឹកចិត្តនៅតម្លៃរបស់ខ្លួនខុសគ្នាឆ្ងាយពីកីឡាករអន្តរជាតិ Dave Leduc។

នេះបើតាមបទសម្ភាសន៍ទៅអ្នកសារព័ត៍មានមួយ ក្រោយប្រកួតឈ្នះកីឡាករថៃក្នុងកម្មវិធីគ្រុឌគុនខ្មែរ លោក ព្រំ សំណាង បានលើកឡើងថា៖ " គាត់អន់ចិត្តណាស់ ហេតុអ្វីហ៊ានជូនតម្លៃខ្លួន Dave Leduc ដល់ជាង 50,000$ ចំណែកគាត់ខ្មែរដូចគ្នាបានមិនដល់ 10,000$ ផង វាហាក់បីដូចជាខុសគ្នាឆ្ងាយពេក (យ៉ាងហោចណាស់អាចបានត្រឹមពាក់កណ្ដាលដែរ) ហេតុអ្វីមិនលើកតម្កើងជាតិសាស្ត្រខ្លួនឯងផង លើកតម្ដើងតែគេអញ្ចឹង"។

ក្រោយពីបានឃើញ កីឡាប្រដាល់រូបនេះបានលើកឡើងបែបនេះហើយ លោក ជា សុវណ្ណារិទ្ធ ក៏មិនបង្អង់យូរបានបង្ហោះសារលើកទឹកចិត្តមួយភ្លែត អមជាមួយខ្លឹមសារយ៉ាងដូច្នេះថា៖ " សំណាង ព្រំ-គុនខ្មែរ​ សង្ឃឹមថាពូ​ នឹងមិនខឹងស្អប់ចំពោះអ្វីដែលខ្ញុំបានលេីកឡេីងទេ​ ព្រោះខ្ញុំមិនចង់ឲ្យពូមានសំពាធ​ ដូចការលេីកឡេីងក្នុងបទសម្ភាសន៍​ចឹង​ ពូថាបាក់ទឹកចិត្តណាស់​ មិននឹកស្មានថាតម្លៃខ្លួនបានប៉ុណ្ណឹង​ បេីប្រៀបធៀបនឹងគេ​ ខ្ញុំយល់ពីអារម្មណ៍ពូណាស់​ ព្រោះខ្ញុំក៏ជាអតីតកីឡាករប្រយុទ្ធមួយរូបដែរ​ ចង់បានណាស់តម្លៃខ្លួនឲ្យសកសមទៅនឹងការឈឺសាច់​ តែកាលៈទេសៈខ្លះ​ ពិបាកណាស់ពូខ្លួនឯងដឹងហេីយ​ គ្មានអ្នកណាដឹងច្បាស់ជាងខ្លួនឯងទេ​ ។ អ្វីដែលពូត្រូវសម្រេចចិត្តគឺទទួលយកបាន​ ឬ​ មិនបាន​ ប្រកួតឬមិនប្រកួតប៉ុណ្ណោះ​ ព្រោះការប្រកួតនេះ​ មេីលទៅក៏ដូចជាការប្រកួតមិត្តភាព​ ដែរទេ​ ហេីយមេីលទៅ​ Dave Leduc ក៏ស្រលាញ់ពេញចិត្ត​ ពូណាង​ និង​ Fan Fan កម្ពុជា​ មិនធម្មតាដែរ​ "។

ពិធីកររូបនេះបានបន្តថា៖ សូមផ្តោតអារម្មណ៍ហ្វឹកហាត់ឲ្យបានល្អ​ណា​ កាលបរិច្ឆេទប្រកួតបានកំណត់ហេីយ​ ខ្ញុំនៅតែគាំទ្រពូជានិច្ច​ ដោយក្តីគោរព​ ស្រលាញ់​ ពូណាង​ កីឡករលំដាប់ប្រទេសរបស់កម្ពុជា​៕

សម្រួលដោយ៖ Sun Darasy