នាពេលថ្មីៗនេះមហាជនអ្នកលេងបណ្ដាញសង្គមមានការភ្ញាក់ផ្អើលជាខ្លាំងនូវរូបភាពប៉ុន្មានសន្លឹក ដែល លោក ឆឹម សក្កដា បានបង្ហោះនូវរូបភាព លោកស្រី ទ្រី ដាណា អ្នកជំនួញអនឡានដ៏ល្បី ក៏ដូចជាម្ចាស់ហាងពេជ្រដ៏ធំមួយ បានរៀបចំកម្មពិធីចូលចែចូវ ធ្វើឲ្យអ្នកគាំទ្រជាច្រើនស្រឡាំងកាំងស្ទើគ្រប់គ្នា ដែលជាក់ស្តែងកន្លងមកមិនដែលឃើញបង្ហាញមុខគូដណ្ដឹងនោះឡើយ ស្មានតែកូនកំលោះជា លោក សេង មង្គល ដោយសារតែឃើញមានភាពស្និតស្នាលនឹងគ្នាក្នុងបណ្ដាញសង្គមជាញឹកញាប់។

បើងាកមកមើលពី ពិធីចូលចែចូវរបស់ លោកស្រី ទ្រីដាណា វិញ គឺបានរៀបចំឡើងនៅគេហដ្ឋានរបស់លោកស្រីផ្ទាល់ មានការចូលរួមពីញាតិមិត្តបងប្អូន ក៏ដូចមានការចូលរួមដ៏ខ្ពង់ខ្ពស់ពី លោកជំទាវ ហ៊ុន ស៊ីណាត និង លោកជំទាវ នឹម វណ្ណៈ ព្រមទាំងអ្នកសិល្បៈជិតស្និតមួយចំនួនទៀត តែអវត្តមាន លោក សេង មង្គល មិនបានចូលរួមនោះទេ ដោយសារមានធុរៈនៅក្រៅប្រទេស។

គួរបញ្ជាក់ផងដែរថា គូដណ្ដឹងអ្នកជំនួញហាងពេជ្ររូបនេះ ត្រូវបានគេស្គាល់ថាមាន ឈ្មោះ រស់ រាជ្ជសាល ជាអ្នកសិល្បៈមួយរូប មិនត្រឹមតែប៉ុណ្ណោះ លោក ក៏ជាអ្នកបម្រើការងារលើយន្តហោះម្នាក់ ព្រមទាំងមានរូបរាងសង្ហា កម្ពស់ខ្ពស់ស្រឡះ បើនិយាយពីទម្រង់មុខវិញដូចតួបរទេសថែមទៀតផង ធ្វើឲ្យមិត្តនារីជាច្រើនលួចច្រណែន នឹងលោកស្រី ទ្រីដាណា ដែលបានគូដណ្ដឹងសង្ហាស្អាតពិតជាសាកសមគ្នាជាទីបំផុត៕

សម្រួលដោយ៖ Sun Darasy