សម្រាប់ព្រឹត្តិការណ៍ព័ត៌មានថ្មីៗប្រចាំថ្ងៃនេះរួមមាន៖

១. (មានរូបភាពច្រើនទៀត)៖ ទិដ្ឋភាពភ្ញៀវទេសចរជាតិ​ និងអន្តរជាតិ​ មករង់ចាំទស្សនាព្រះអាទិត្យរះចំកណ្តាលកំពូលប្រាសាទអង្គរវត្ត​ 

ទិដ្ឋភាពភ្ញៀវទេសចរជាតិ​ និងអន្តរជាតិ​ មករង់ចាំទស្សនាព្រះអាទិត្យរះចំកណ្តាលកំពូលប្រាសាទអង្គរវត្ត​ នាឱកាសព្រឹត្តិការណ៍សមរាត្រី ថ្ងៃទី២២ ខែកញ្ញា ឆ្នាំ២០២៤

២. រដ្ឋបាលខេត្តព្រៃវែងនឹងរៀបចំព្រឹត្តិការណ៍ប្រណាំងទូក ង នៅមាត់ទន្លេក្រុងព្រៃវែងរយៈពេល២ថ្ងៃ

រដ្ឋបាលខេត្តព្រៃវែងបានចេញសេចក្តីជូនដំណឹងស្តីការរៀបចំព្រឹត្តិការណ៍ប្រណាំងទូក ង នៅខេត្តព្រៃវែង រយៈពេល២ថ្ងៃ គឺចាប់ពីថ្ងៃទី១៦ ដល់ថ្ងៃទី១៧ ខែតុលា ឆ្នាំ២០២៤។

៣, កីឡាការិនី ស្រួង ភារី បង្ហោះសារក្នុងអត្ថន័យអប់រំ ក្រោយឃើញបេក្ខនារីប្រឡង Miss Planet Cambodia 2024 ឆ្លើយសំណួរនិយាយខុសពាក្យ

ក្រោយមានការចែករំលែកព្រោងព្រាត នូវវីដេអូនឃ្លីបនៃការឆ្លើយសំណួររបស់បេក្ខនារីប្រឡង Miss Planet Cambodia 2024 ហាក់ទទួលបានមតិរិះគន់ជាច្រើនពីមហាជន ក្នុងនោះកីឡាការិនី ស្រួង ភារី ក៏បានលើកជាសារមួយក្នុងអត្ថន័យអប់រំទៅកាន់ក្មេងជំនាន់ក្រោយ ព្រមទាំងស្នើរដល់អ្នកលេងបណ្ដាញសង្គមគួរបញ្ចេញ​មតិ​ដោយមាន​ក្រមសីលធម៌ថែមទៀតផង។

៤. កម្ពស់ទឹកទន្លេមេគង្គ ខេត្តក្រចេះជិតដល់កម្រិតប្រកាសអាសន្ន ខណៈមានពលរដ្ឋជាង ៨ពាន់គ្រួសារកំពុងរងផលប៉ះពាល់

កម្ពស់ទឹកទន្លេមេគង្គខេត្តក្រចេះ ជិតដល់កម្រិតប្រកាសអាសន្នហើយ ដោយនៅខ្វះ ០,៨៨ ម៉ែត្រទៀតប៉ុណ្ណោះ ខណៈនៅថ្ងៃទី២២ ខែកញ្ញា ឆ្នាំ២០២៤ កម្ពស់ទឹកទន្លេមេគង្គក្នុងខេត្តក្រចេះមានកម្ពស់ ២១,១២ ម៉ែត្រ បើប្រៀបធៀបទៅនឹងថ្ងៃទី២១ ខែកញ្ញា មានការកើនឡើង ០,២៧ ម៉ែត្រ ។ 

៥. អ្នកគាំទ្រស្លុតចិត្ត ក្រោយទទួលបានដំណឹងមរណភាពរបស់តារាសម្ដែងថៃ លោក Aom Akkaphan ដោយសារជំងឺមហារីក

បណ្ដាអ្នកគាំទ្រតារាសិល្បៈថៃជាច្រើនបានសម្ដែងអាម្មរណ៍តក់ស្លុត និងសោកស្ដាយយ៉ាងខ្លាំង ក្រោយលឺដំណឹងដ៏សោកសៅថាតារាសម្ដែងថៃដ៏ល្បីប្រចាំប៉ុស្ដិ៍លេខ៧ថៃ លោក Aom Akkaphan បានទទួលមរណភាព ក្នុងអាយុ ៣៩ ឆ្នាំ ដោយសារជំងឺមហារីក។

៦. មិនធម្មតា! «ក្រុមរាជនីតុង Spicy» នៅវ័យក្មេងតែមានទេពកោសល្យសម្តែងពេញខ្លួន

អ្នកលេងបណ្ដាញសង្គមជាច្រើនប្រាដកជាបានស្គាល់ច្បាស់ពីក្រុមសម្ដែងវ័យក្មេង រាជនីតុង Spicy មានទេពកោសល្យខ្ពស់ដែលកំពុងអង្រួនចិត្តមហាជនឲ្យសើចសប្បាយរីករាយបំភ្លេចបាត់ទុក្ខកង្វល់មួយចំនួនតាមរយៈវីដេអូសម្តែងបែបកំប្លែងៗនិងធ្វើម្ហូបនានា។ ជាពិសេសរាល់វីដេអូសម្តែងនីមួយៗ មានអ្នកចុចចូលមើលរហូតដល់ខ្ទង់លាននាក់ឯណោះ។

៧. (មានរូបភាពច្រើនទៀត)៖ ស្នងការដ្ឋាននគរបាលខេត្តកំពត ឃាត់ខ្លួនក្មេងទំនើង ២នាក់ ករណីបង្ហោះម៉ូតូ ផុសក្នុងបណ្ដាញសង្គម

ស្នងការដ្ឋាននគរបាលខេត្តកំពត ឃាត់ខ្លួនក្មេងទំនើង ២នាក់ ករណីបង្ហោះម៉ូតូ ផុសក្នុងបណ្ដាញសង្គម ឃាត់បានអ្នកថត និងអ្នកជិះពីក្រោយ នៅឡើយអ្នកបង្ហោះរូបកំពុងស្រាវជាវបន្ត។

៨. ដំណើរទស្សនកិច្ចទៅកាន់ខេត្តទិសឦសានលើកទី៣ បានបញ្ចប់ដោយជោគជ័យ

ដំណើរទស្សនកិច្ចខេត្តទិសឦសានសម្រាប់ជើងទីបី បានបញ្ចប់ដោយជោគជ័យ និង​ភាព​សប្បាយ​​រីករាយ ខណៈការចុះឈ្មោះសម្រាប់ដំណើរទស្សនកិច្ចប៉ែកឦសានបាន និង​កំពុង​បន្ត​រហូត​ដល់ដំណាច់​ឆ្នាំ២០២៤នេះ។ នេះបើតាមការលើកឡើងរបស់ឯកឧត្តម ទេព អស្នារិទ្ធ អនុរដ្ឋលេខាធិការ និង​ជា​អ្នក​នាំ​ពាក្យក្រសួងព័ត៌មាន។

៩. ឃាត់ខ្លួនជនសង្ស័យចំនួន០៤នាក់ ពាក់ព័ន្ធករណីហិង្សាដោយចេតនា នៅចំណុចមុខស្ថានីប្រេងសាវីមិច ខណ្ឌសែនសុខ

ឃាត់ខ្លួនជនសង្ស័យចំនួន០៤នាក់ ពាក់ព័ន្ធករណីហិង្សាដោយចេតនា (ព្រួតគ្នាវាយ បណ្តាលឱ្យរបួស) ប្រព្រឹត្តល្មើសនៅចំណុចមុខស្ថានីប្រេងសាវីមិច ស្ថិតភូមិត្រពាំងជើងស្រុក សង្កាត់ ក្រាំងធ្នង់ ខណ្ឌសែនសុខ កាលពីថ្ងៃទី១៩ ខែកញ្ញា ឆ្នាំ២០២៤ វេលាម៉ោងប្រហែល២៣:៣០នាទី។

១០, កុំចេះតែហ៊ាន! អាជ្ញាធរចុះរុះរេីសំណង់ដែលគ្មានច្បាប់អនុញ្ញាតសាងសង់រំលោភលើចិញ្ចើមផ្លូវថ្មើរជើងនៅក្នុងបុរីមួយ ក្នុងខណ្ឌពោធិ៍សែនជ័យ

នាសៀលថ្ងៃទី២១​ ខែកញ្ញា​ឆ្នាំ២០២៤ អាជ្ញាធរចុះរុះរេីសំណង់ដែលគ្មានច្បាប់អនុញ្ញាត និងសាងសង់រំលោភលើចិញ្ចើមផ្លូវថ្មើរជើងក្នុងបុរីមួយកន្លែង ស្ថិតនៅផ្ទះលេខNo 21E ភូមិជ្រៃកោង​ សង្កាត់ចោមចៅទី២​ ខណ្ឌពោធិ៍សែនជ័យ៕