គណៈរដ្ឋមន្ត្រីថៃបានអនុម័តថវិកាចំនួន ៤០០លានបាត ដើម្បីគាំទ្រដល់ការបន្តថ្លៃសំបុត្រររថភ្លើងតម្លៃ ២០ បាតសម្រាប់ខ្សែរថភ្លើងអគ្គិសនីពណ៌ក្រហម និងពណ៌ស្វាយសម្រាប់រយៈពេលមួយឆ្នាំទៀតចាប់ពីថ្ងៃទី ០១ ខែធ្នូ ឆ្នាំ ២០២៤ រហូតដល់ថ្ងៃទី ៣០ ខែវិច្ឆិកា ឆ្នាំ២០២៥។ នេះបើយោងតាមការចុះផ្សាយពីសារព័ត៍មាន Bangkok Post។

ផ្នែកបន្ថែមនេះអនុវត្តចំពោះផ្លូវរថភ្លើងរដ្ឋថៃ (SRT) ខ្សែក្រហម៖ ខ្សែ Nakhon Withi ពីស្ថានីយKrung Thep Aphiwat Central Terminal  ដល់ Taling Chan និង ខ្សែ Thani Ratthaya ពីស្ថានីយ Krung Thep Aphiwat Central Terminal ទៅ Rangsit ក្នុង Pathum Thani។

 អ្នកនាំពាក្យរដ្ឋាភិបាលលោក Jirayu Houngsub បាននិយាយកាលពីថ្ងៃសុក្រថា ថ្លៃសំបុត្រធ្វើដំណើរក៏គ្របដណ្តប់លើផ្លូវរថភ្លើង Metropolitan Rapid Transit (MRT) ខ្សែពណ៍ស្វាយ ពីស្ថានីយ៍ Tao Poon ក្នុងទីក្រុងបាងកក ទៅកាន់ Khlong Bang Phai ក្នុងខេត្ត Nonthaburi ។​

ការអនុវត្តតម្លៃរថភ្លើង 20 បាតនេះ នឹងចូលជាធរមានរហូតដល់ថ្ងៃទី 30 ខែវិច្ឆិកា ឆ្នាំ 2025៕