នាពេលថ្មីៗមានរឿងចម្រុងចម្រាសពេញបណ្ដាញសង្គមដែលជាប្រធានក្ដៅមួយមហាជនកំពុងតែតាមដាន រវាងម្ចាស់ប្រេន Lakamo និងម្ចាស់ប្រេនសំឡីផ្កា បានមានរឿងរកាំរកួសគ្នាដោយសារតែបញ្ហា BA ផលិតផល បន្តមកក៏មានការបង្ហោះជាសំណេរក៏ដូចជាវីដេអូផ្លែផ្កាឆ្លើយឆ្លងគ្នាទៅវិញទៅមកជារឿយៗ។

ក្នុងនោះជុំវិញរឿងរ៉ាវដ៏ក្ដៅគគុកនេះ បានធ្វើឲ្យ ជំទាវ លោកជំទាវ ចន ច័ន្ទលក្ខណា​ លូកដៃការពារប្អូនស្រីធម៌របស់ខ្លួនដែលគេស្គាល់ថាជា លោកស្រី មាស ចាន់ដាលីន ម្ចាស់ប្រេន Lakamo ដោយបានបង្ហោះសារបែបនេះ៖ «ចង់ប្រាប់ថា បើឈ្លោះជាមួយកូនចៅ សូមនិយាយត្រឹមកូនចៅ កុំប៉ះពាល់មេគេ ហើយរិតតែកុំប៉ះពាល់ដល់ជីវិតទុក្ខសោកគ្រួសារគេទាំងគេមិនដឹងរឿងហើយនិងមិនពាក់ព័ន្ត បើចង់ឈ្នះគេ ចង់អោយគេឈឺចិត្ត ហើយខំប្រឹងបង្ហោះក្តីសុខប្តីប្រពន្ធឯងដើម្បីបញ្ឈឺអ្នកកំពុងមានទុក្ខប្រយ័ត្នកម្មពារនិរាសព្រាត់ប្រាស់តាមទាន់ជីវិតគ្រួសារខ្លួនឯង ស្លាប់ថ្ងៃនេះឬស្អែកគ្មានអ្នកណាដឹងមុនទេ កុំសើចយំគេ»។

បន្ទាប់ពីឃើញសារមួយនេះហើយម្ចាស់ប្រេនចែឈីង ក៏បានស៊ែរឆ្លើយតបថា៖ «ត្រឹមត្រូវហើយបង តែរឿងខ្លះទាល់តែមើលទាំងសងខាងបានដឹងថាបែបណា មនុស្សខ្លះសម័យឥលូវពិបាកណាស់ឌឺដងគេច្រើនលើកច្រើនសារហើយធ្វើភ្លើ សូម្បីតែខ្ញុំនៅសុខៗគេបំពានហើយធ្វើមិនដឹង តែទៅថតជាមួយកូនចៅខ្ញុំបញ្ឈឺខ្ញុំរាល់ថ្ងៃមនុស្សយើងគួរតែសន្សំបុណ្យសាងកុសលល្អចេញពីចិត្តទុក្ខជាតិក្រោយដោយកាគោរពពីប្អូនអរគុណបងស្រី»៕