អបអរសាទរ! អ្នកផលិតមាតិកា Lin Vee និងស្វាមី លាតត្រដាងអាថ៌កំបាំងថាខ្លួនកំពុងពពោះកូនដំបូង
បណ្ដាអ្នកគាំទ្រមានការភ្ញាក់ផ្អើល និងសម្ដែងអារម្មណ៍រំភើប ក្រោយបានឃើញនូវវីដេអូឃ្លីបដ៏មានន័យរបស់អ្នកផលិតមាតិកា Lin Vee និងស្វាមី លោក Naro បានបង្ហាញជាផ្លូវការថាខ្លួនកំពុងពពោះកូនដំបូង បន្ទាប់ពីអ្នកទាំងពីរទើបតែចាប់ដៃគ្នាចូលរោងជ័យកាលពីថ្ងៃ២៧ ខែធ្នូ ឆ្នាំ២០២៤ កន្លងទៅ។
តាមរយៈវីដេអូឃ្លីបដ៏មានសុភមង្គលនេះ អ្នកផលិតមាតិកា Lin Vee ក៏បង្ហោះអមជាមួយសំណេរថា៖«អាថ៌កំបាំងកំពុងលាតត្រដាង» ដោយក្នុងនោះយើងសង្គេតឃើញថាមានការស៊ែរចែករំលែកយ៉ាងច្រើន បន្ថែមពីនេះក៏មានបណ្ដាអ្នកគាំទ្រ និងមិត្តរួមអាជីពបានចូលទៅអបអរសាទរនូវដំណឹងល្អរបស់អ្នកទាំងពីរ ចំពោះហ្វេនៗដែលស្រឡាញ់ និងគាំទ្រអ្នកផលិតមាតិការូបនេះ អន្ទះសាររង់ចាំចង់ឃើញនូវមុខមាត់ កូនដំបូងរបស់គូស្វាមីភរិយាថ្មីថ្មោងរូបនេះថាស្អាតគួរឲ្យស្រលាញ់យ៉ាងណា ខណៈប៉ាម៉ាក់ស្អាតសង្ហារស្រាប់ទៅហើយ។
គួររំលឹកផងដែរថា គូស្វាមីភរិយាវ័យក្មេង Lin Vee និង Naro បានមានទំនាក់ទំនងស្នេហាជាមួយគ្នាអស់រយៈពេលជាច្រើនឆ្នាំមកហើយ ដោយអ្នកទាំង២ តែងតែបង្ហាញពីភាពផ្អែមល្ហែមក្នុងបណ្ដាញសង្គមជារឿយៗទទួលបានការស្រលាញ់ពេញចិត្តពីសំណាក់អ្នកគាំទ្រផងដែរ៕ សម្រួលដោយ៖ Sun Darasy
មតិល្បី
សរសេរមតិ