ជប៉ុន៖តារាសម្តែងជប៉ុនដ៏ល្បី អ្នកនាង Yuko Takeuchi បានទទួលមរណៈភាពក្នុងវ័យ ៤០ឆ្នាំ។ នេះបើយោងតាមប្រភពសារព័ត៌មាន BBC ទើបតែបានចុះផ្សាយថ្មីៗនេះ។

ឆ្លងកាត់ការស៊ើបអង្កេតរបស់សមត្ថកិច្ចបានឱ្យដឹងថា អ្នកនាង Yuko Takeuchi ត្រូវបានគេសង្ស័យថា អាចនឹងធ្វើអត្តឃាតសម្លាប់ខ្លួនឯង នៅក្នុងផ្ទះរបស់នាង ក្នុងទីក្រុងតូក្យូ។

គួរឱ្យដឹងផងដែរថា អ្នកនាង Yuko Takeuchi មានកេរ្តិ៍ឈ្មោះល្បីល្បាញនៅក្នុងប្រទេសជប៉ុនកាលពីឆ្នាំ១៩៩៨ ដែលពេលនោះអ្នកនាងដើរតួនៅក្នុងរឿង Ringu ដែលរឿងនោះគឺជារឿងខ្មោចស្រដៀងទៅនឹងរឿងហូលីវូដ The Ring ផងដែរ។

យ៉ាងណាមិញ ជុំវិញការស្លាប់របស់អ្នកនាង Yuko Takeuchi ក៏បានធ្វើឱ្យមហាជន ជាពិសេសហ្វេនរបស់នាងនៅក្នុងប្រទេសជប៉ុនមានភាពក្តុកក្តួលនិងសោកសៅជាខ្លាំងផងដែរ៕ ​​ដោយ៖ត្នោត